Toshkent vaqti bilan 18-oktabr tongida Abu-Dabidagi (BAA) “Jangchilar oroli”da UFC Fight Night 180 musobaqasi bo‘lib o‘tdi.

Foto: Getty Images

Kechaning markaziy jangi yarim yengil vazn toifasi vakillari Brayan Ortega va Chan Son Chung (“Koreyalik zombi”) o‘rtasida kechdi. Besh raund davom etgan jangda amerikalik jangchi ustunlikka ega bo‘ldi va hakamlar qaroriga ko‘ra bir ovozdan g‘olib deb topildi.

Shu tariqa Ortega yarim yengil vazn toifasi chempionlik kamariga asosiy da’vogarga aylandi. Ushbu divizion chempioni Aleksandr Volkanovski hisoblanadi.

Shuningdek, mazkur musobaqada rossiyalik yakkakurashchi Said Nurmagomedov (14-3) ham o‘z jangini o‘tkazdi. Unda Said filippinlik yakkakurashchi Mark Shtriglni birinchi raunddayoq nokautga uchratdi.

Barcha janglar videosini quyidagi havola orqali tomosha qilish mumkin: HAVOLA

Asosiy kard natijalari bilan tanishing:

  • Brayan Ortega (15-1) ochkolar hisobida Chan Son Chungdan (16-6) ustun keldi (50-45, 50-45, 50-45);
  • Jessika Andrade (21-8) birinchi raunddayoq Ketlin Chukagyanni (14-4) nokautga uchratdi;
  • Jimmi Krut (12-1) birinchi raunddagi nokaut evaziga Modestas Bukauskasni (11-3) yengdi;
  • Jeyms Krauze (28-9) ochkolar hisobida Klaudio Silvani (14-2) mag‘lub etdi (30-27, 30-27, 30-27);
  • Jonatan Martinez (13-3) ochkolar hisobida Tomas Almeydadan (21-4) ustun keldi (30-27, 30-27, 30-27).