La Liga. “Real” va “Barselona” so‘nggi 20 mavsum ichida ilk bor 1 ta tur doirasida yutqazdi

Ispaniya chempionatining 6-turida “Real” o‘z maydonida “Kadis”ga imkoniyatni boy berib qo‘ydi (0:1), “Barselona” esa safarda “Xetafe”ga mag‘lub bo‘ldi (1:0).

Shu tariqa 20 mavsum ichida ilk bor “Real” va “Barselona” La Ligada bir tur doirasida ham mag‘lubiyatga uchradi, ham gol ura olmadi.

So‘nggi marta bunday holat 2000/01-yilgi mavsumning 22-turida ro‘y bergandi, o‘shanda madridliklar “Atletik”ga (0:1), kataloniyaliklar “Rasing”ga (0:4) imkoniyatni boy berib qo‘ygandi.

Bundan tashqari, 17 yarim yil ichida birinchi marta “Real” va “Barselona” “El-Klassiko” oldidan mag‘lubiyatga uchradi. O‘shanda “qirollik klubi” “Real Sosyedad”ga (2:4), “ko‘k-anorranglilar” esa “Deportivo”ga (2:4) yutqazgandi.

Jamoalar 24-oktabr, shanba kuni “Kamp Nou”da to‘qnash keladi. “Real” 5-turdan keyin 10 ochko bilan turnir jadvalida 1-o‘rinda borayotgan bo‘lsa, “Barselona” (7) 9-pog‘onadan joy olgan.