“Yuventus” darvozaboni Janluiji Buffon Italiya chempionatida tarixiy rekord o‘rnatdi.

Foto: Twitter

Opta’ning yozishicha, Janluiji Buffon uchun “Krotone”ga qarshi o‘yin A Seriyadagi 650-uchrashuv bo‘lgan. Shu tariqa Buffon bunday natijani qayd etgan birinchi futbolchiga aylangan.

Qayd etilishicha, Buffonning “Krotone” bilan o‘yinni boshlagan 10 jamoadoshidan 7 nafari Janluiji Italiya chempionatida debyut qilganida (1995-yilning noyabr oyi) hali tug‘ilmagan bo‘lgan.

Ma’lumot uchun, Buffon faoliyatini “Parma”da boshlagan, 200-yilda esa uni Turin klubi o‘z safiga qo‘shib oladi. 2018-yilning 6-iyulida PSJga o‘tadi, biroq bir yildan so‘ng aniqrog‘i, 2019-yilning 6-iyulida qadrdon jamoasiga qaytadi.

Umuman, Buffon faoliyatida 917 uchrashuv o‘tkazib, ularda 766 ta gol o‘tkazib yuborgan. 410 uchrashuvda esa o‘z darvozasi daxlsizligini saqlab qola olgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!