Buyuk Britaniya qirolichasi Yelizaveta Ikkinchi qotilligi uchun sudlangan Stiven Gallantning qamoq muddatini qisqartirdi — Gallant 2019-yil noyabrida London ko‘prigida terrorchini zararsizlantirishga yordam bergan edi, deya xabar bermoqda Meduza.
Gallant 2005-yili Xall shahrida o‘t o‘chiruvchini o‘ldirgani uchun 17 yilga ozodlikdan mahrum qilingan. 2019-yil 29-noyabr kuni Gallantga London ko‘prigida joylashgan Baliq savdogarlari gildiyasi binosida bo‘lib o‘tadigan mahbuslar reabilitatsiyasi bo‘yicha konferensiyada ishtirok etishga ruxsat berilgan. Xuddi shu yerda Usmon Xon ham bo‘lgan — u konferensiya ishtirokchilariga pichoq bilan tashlanib, ikki kishini o‘ldirgan. Gallant boshqalar bilan birgalikda jinoyatchini to‘xtatishga uringan — buning uchun u gildiya binosi devorida osilib turgan narval (tumshug‘idagi shoxsimon tishi bo‘lgan kitlarga mansub dengiz jonivori)ning bir yarim metrlik tishidan foydalangan. Oxir-oqibat terrorchi politsiya yetib kelguniga qadar ko‘prikda siquvga olinib, zararsizlantirilgan.
Bystander; a person who is present at an event or incident but does not take part.
The people on the London bridge were far from bystanders, together they stopped the attacker from killing anymore people.#Heroes 🇬🇧 #LondonBridgeAttack#SaturdayThoughts pic.twitter.com/F5ZsDyNx4g— ~Marietta (@MariettaDaviz) November 30, 2019
Gallantning qamoq muddati 10 oyga qisqartiriladi va u 2021-yil iyunida muddatidan avval ozod etishlarini so‘rab murojaat qilishi mumkin, deb yozmoqda The Guardian. Yakuniy qaror muddatidan avval shartli ozod qilish bo‘yicha komissiya tomonidan chiqariladi, biroq u ham qirolichaning qarorini o‘zgartirishi ehtimoli juda kam.
Buyuk Britaniya Adliya vazirligidan ma’lum qilishlaricha, qirolicha mahbuslarni afv etish huquqidan kamdan-kam foydalanadi, biroq ayni holatda qirolichaga “o‘z hayotini xavf ostida qoldirib, boshqalar hayotini saqlab qolishga yordam bergan” Gallantning “favqulodda jasur xatti-harakati”ni rag‘batlantirish tavsiya qilingan.
