Filmlarda do‘mboq ayollarni gavdalantirgan sarvqomat aktrisalar (foto)

Aksariyat shou-biznes vakillari rollari muvaffaqiyatli chiqishi uchun ko‘p narsaga, hatto vazn yig‘ishga ham tayyor. Lekin quyidagi aktrisalar vaziyatdan boshqacha chiqqan — semiz ko‘rsatadigan kostyum kiygan holda rol ijro qilgan.

Gvinet Peltrou

“Sevgi — bu kulfat” filmidagi ijrosi uchun Gvinet 11 kg kostyum kiyishiga to‘g‘ri kelgan. Aktrisa to‘la ko‘rinishi uchun lateksli grimdan foydalanilgan.

Anjelika Kashirina

Aktrisa 2014-yilda “Anjelika” deb nomlangan serialda suratga tushgan. Syujetga ko‘ra, u quvnoq, mehribon ammo 99 kg vazni sabab hayotda turli qiyinchiliklarga duch keladigan talaba qiz rolini ijro qilgan. Aslida esa semiz qiz rolini ijro etgan aktrisaning vazni 50 kilodan ko‘p emas.

Kortni Koks

“Do‘stlar” serialning syujetiga ko‘ra, Monika ismli qahramon qiz bolaligida do‘mboq bo‘ladi. Shu sabab Kortni serialning bir necha qismida do‘mboq ko‘rsatadigan kiyim-kechaklar kiyishi va grim qilishiga to‘g‘ri kelgan.

Emi Adams

Karyerasining boshida Emi “Smolvilning sirlari” seriali qismlaridan birida to‘ladan kelgan qiz rolini o‘ynagan.

Goldi Xoun

1992-yilda suratga olingan “O‘lim unga yarashadi” filmida Goldi erining xiyonatidan keyin ruhiy kasalliklar shifoxonasiga yotib qolgan qahramonni gavdalantirgan.

Tayra Benks

Model 2005-yilda o‘z shoularidan birida to‘la insonlar o‘zini qanday his qilishini bilish maqsadida semiz ko‘rsatadigan kostyum kiyib ko‘rgan.

Sheron Stoun

“Alfa Dog” filmida Sheron bir necha daqiqa davomida to‘la qahramon obrazida namoyon bo‘lgan.

Mila Kunis

“70–yillar shousi” serialida Mila chernikali pirogdan “semirib ketadi”.

Elison Xannigan

Elison semiz qahramonni ijro qilgan “Kinouchrashuv” komediyasi aktrisa arsenalidagi eng muvaffaqiyatsiz rollardan biridir.

Juliya Roberts

“Amerika sevishganlari” filmida Juliya eskicha ko‘zoynakli, buvisining vodolazkasini kiyib yuradigan ortiqcha vaznli, ammo baxtini uchratganidan keyin o‘zgaradigan qiz rolini ijro qilgan.

Keyli Kuoko

“Men kabi semiz bo‘lish”da kelishgan va chiroyli qahramon qizning keyinchalik boshqacha ko‘rinishi mazkur filmning yanada qiziqarli chiqishiga sabab bo‘lgan.