2020-yilning bahoridan buyon davom etib kelayotgan koronavirus pandemiyasi davrida virus tarqalishining oldini olishga xizmat qiladigan ko‘plab texnologik yechimlar paydo bo‘ldi. Ayrim ixtirolar kutilganidan ko‘ra, ancha g‘alati. Masalan, Rossiyada maxsus jihozlangan manekenlar paydo bo‘ldi, deb xabar beradi Hi-Tech.Mail.ru.
Manekenlarning boshi o‘rniga katta ekranli infraqizil termometr o‘rnatilgan bo‘lib, unda o‘zining tana haroratini o‘lchashga jazm etgan insonning harorati ko‘rsatiladi. Manekenlar xuddi salomlashayotgandek qo‘lini oldinga uzatgan holda o‘rnatilgan — qo‘lida dezinfeksiya uchun antiseptik dozator mavjud.
Noodatiy maneken qayerga o‘rnatilganiga aniqlik kiritilmagan. Sanitayzer qo‘ldagi markirovkaga ko‘ra, u Rostov davlat tibbiyot universitetida yaratilgan. Yangi qurilmalar mahalliy poliklinikalardan birida sinovdan o‘tkazilayotgan bo‘lishi mumkin.
Eslatib o‘tamiz, aprel oxirlarida Volgograd tibbiyot ilmiy markazining abilitatsiya va reabilitatsiya laboratoriyasi olimlari COVID-19 infeksiyasidan himoyalanishga mo‘ljallangan “Venes-34” shlemini taqdim etgandi.
Izoh (0)