Ajrashganidan so‘ng turmush o‘rtog‘ining bor-budini tortib olgan mashhur ayollar (foto)

Odatda ajrashishni xohlagan ayollar tomonidan sudga ariza berilganda ajrimning sababi sifatida turmush o‘rtog‘iga bir qancha ayblar yuklanadi. Keyinchalik o‘z niyatiga yetishish bilan birga sobiq turmush o‘rtog‘ining hamyonidagi pullarni ham o‘zlashtirishga harakat qiladi va shu tariqa g‘oliblikni qo‘lga kiritadi. Bu faqatgina puldor ayollar orasida emas, dunyoga mashhur yulduzlar hayotida ham ro‘y beradi. Marhamat, ular haqidagi qiziqarli ma’lumotlarni bilib oling.

Ani Lorak

Ani Lorak va Murat Nalchajio‘g‘li bir yil muqaddam, 2019-yil rasman ajrashdi. Qizi Sofiya tug‘ilgan 10 yillik nikohdan keyin ajrimning sababiga turkiyalik tadbirkor Muratning xiyonati ko‘rsatildi. Murat bilan noma’lum qiz videosini ko‘rgan Ani shu zahoti ajrashishga qaror qildi va sudga ariza bilan murojaat etdi. Ishbilarmon yigit nikohi davomida jamg‘arilgan mol-mulkni talab etmadi, ammo yulduz uni hattoki qo‘shma loyihalardan ham mahrum qildi. Ma’lumotlarga ko‘ra, qo‘shiqchining Rossiyada konsertlar uchun daromad keltirib turuvchi  kompaniyalari mavjud. Uning sobiq turmush o‘rtog‘i esa biznesning yarmiga egalik qilar edi, ammo bir yildan buyon Ani Lorak uning yakka-yu yagona bekasiga aylangan.

Demi Mur

Deyarli hech kim Demir Mur va Eshton Katcher nikohining abadiyligiga ishonmagan edi. Ommaning juftlik borasidagi shubhasiga oradagi 16 yosh farq va munosabatlar qurilishidagi xilma-xil holatlar sabab bo‘lgan. Aktrisa o‘sha paytda mashhurlikka erishgan, aktyor esa esa o‘z karyerasini shakllantirayotgan yoshlar qatorida edi. Vaqti kelib hammasi o‘zgardi. Katcher dunyoga mashhur bo‘ldi, Demi esa aksincha unutila boshladi. Aktyor uchun ochilayotgan yangi eshiklar uning rafiqasini vasvasaga soldi. Sababi yigit borgan sari yosh muxlislar auditoriyasida yaqqol ko‘zga tashlanar edi. Shu sabablardan so‘ng aktrisa ajrashish uchun ariza berdi va eridan katta miqdorda tovon puli talab etdi. Natijada Katcher sobiq xotiniga so‘raganidan ham ko‘proq pul to‘ladi.

Polina Gagarina

Xonanda Polina Gagarina va suratkash Dmitriy Isxakov to‘ydan avval yulduz tomonidan sotib olingan barcha mol-mulk faqat unga, ya’ni Polinaga tegishli bo‘lishiga kelishib olgan. Ularning ajrimi haqida shov-shuvlar paydo bo‘la boshlaganda ommaviy axborot vositalarining xabariga ko‘ra, o‘tgan vaqt davomida xonanda besh yarim million dollar mablag‘ topgan. Insayderlarning ma’lumotiga ko‘ra, hali Polinaning rasman turmush o‘rtog‘i hisoblangan Dmitriy endi “Polina Gagarina” kompaniyasining bosh direktori lavozimidan bo‘shatilgan.

Ember Xerd

Ember Xerd va Jonni Deppning nikohi boshidanoq juda ziddiyatli deya baholangan. Jonni 14 yildan ko‘proq farzandlarining onasi Vanessa Paradi bilan munosabatda bo‘lganda ham unga turmushga chiqish taklifini bildirishga shoshilmadi. Ammo birdan Ember bilan uchrashib qolgan aktyor o‘z fikrini butunlay o‘zgartirdi va unga turmush qurish taklifini bildirdi. Yangi sevgilisi bilan qonuniy nikohdan o‘tgan mashhur aktyor hali hammasi qanday tugashi haqida o‘ylab ham ko‘rmagandi. O‘zaro munosabatlar ikki yil ham davom etmadi. Ember Jonnini zo‘ravonlikda ayblab, uning sevimli itlari, antiqa buyumlari, 1968-yilgi Ford Mustang avtomobillar kolleksiyasi va yetti million dollar pul talab qilib sudga berdi.

Pamela Anderson

Pamela Anderson va uning sobiq eri Jon Pitersning turmushi haqidagi voqea xuddi film ssenariysiga o‘xshaydi. Oshiqlarning rasmiy munosabati atigi 12 kun davom etdi. Pamelaning so‘zlariga ko‘ra, eri uni mustaqillikdan mahrum etmoqchi bo‘lib, asl qiyofasini ochganligi sababli ajrim yuz bergan. Ammo uning sobiq turmush o‘rtog‘i umuman boshqa sabablarni ko‘rsatgan, unga ko‘ra, xotining garderobi uchun 200 ming dollar pul sarflagan va o‘zi hech vaqoga erishmaganini tan olgan. Shuningdek, u Pamelani pulga mahkamlikda ham ayblagan. Jon Pamelaga bo‘lgan uzoq yillik muhabbati tufayli aybdor bo‘lganiga amin. U 30 yildan ortiq ushbu nikohni kutgan va Pameladan ko‘ra ko‘proq sevingan edi.