Virjiniyada kapalak qurti ko‘paymoqda. Ular zaharli bo‘lib, ko‘rinishi soch parigini eslatadi

Megalopyge opercularis – kapalak qurtini oddiy jun parchasi bilan osongina adashtirish mumkin. Ushbu hasharotning bel qismi uzun sochlarga o‘xshash tolalar bilan zich yopilgan. Kapalak qurti rivojlanishining dastlabki bosqichlarida bu tolalar jingalaklashadi, bu esa uning junini hajman ko‘paytiradi.

Biroq bu yoqimli ko‘ringan hasharot o‘zida zaharli tikanlarini yashiradi. Uni og‘riqli sanchishi tufayli terida shish va qizarish kuzatiladi. Bundan tashqari, hasharotlar bilan aloqada bo‘lganlar vaqti-vaqti bilan bosh og‘rig‘i, isitma, ko‘ngil aynishi, qayt qilish, qon bosimi pastligi, yurak urishi, talvasaga tushish va ba’zida qorin og‘rig‘iga duch keladi.

So‘nggi paytlarda AQShning Virjiniya shtatida Megalopyge opercularis kapalak qurtlari ko‘payib ketgani ma’lum bo‘ldi. Chunki O‘rmon xo‘jaligi davlat departamenti bu haqida shtat aholisini ogohlantirdi.

“Kapalak qurtlari eman va qarag‘ay barglarini iste’mol qiladi, lekin ularni bog‘ va binolardan ham topish mumkin. Agar kapalak qurtlariga duch kelinsa, ularni shundayligicha qoldirish kerak va ularning tabiiy dushmanlari sonini nazorat qiladi – hayot tarzining turli bosqichlarida ushbu hasharotlarni ovlaydigan boshqa jonzotlar ham mavjud”, — deya xabar beradi departament.

Shuningdek, departament kapalak qurtlari daraxtlardan insonlar kiyimigi tushib, yopishib qolishi mumkinligi haqida ham ogohlantirdi. Florida Zaharlar bo‘yicha ma’lumot markazi kapalak qurtlarining ustiga yopishqoq tasmani yopishtirish va birdaniga uni olib tashlash orqali teriga tushgan hasharotdan xalos bo‘lishni tavsiya qiladi.

Megalopyge opercularis asosan, Atlantika okeanining sharqiy qirg‘og‘ida Florida va Nyu-Jersi o‘rtasida ko‘p uchraydi. Ammo ularning yashash joyi yaqinda g‘arbga qarab − Arkanzas va Texasgacha cho‘zilgan, deyiladi Florida universitetining Entomoligiya bo‘limida. Shuningdek, hasharotlar Meksika va markaziy Amerikaning ayrim qismlarida, daraxt va bog‘ o‘simliklarida uchrashi mumkin.