Ekrandagi muhabbat: bir necha bor sevishganlar rolini ijro etgan Gollivud yulduzlari (foto)

Ekranda shunchaki rol ijro etayotgan ayrim juftliklarning muhabbati shunchalar ishonchli ko‘rinadiki, tomoshabinlar ularni chin deb qabul qiladi. Shuning uchun ham ularga sujeti turli xil, ammo aynan juftlik tarzida ishtirok etish taklifi tushadi. Ijro mahorati bir-biriga chambarchas bo‘lgan aktyor va aktrisalar deyarli umr bo‘yi bu kabi takliflarda qochib qutula olmaydi.

Keyt Uinslet va Leonardo DiKaprio

Ular ilk marotaba afsonaviy laynerning fojiasi fonida muhabbatni tarannum etdi. Jo‘shqin yurakli qiz va oddiygina yigitning muhabbati haqidagi voqea millionlab insonlarning ko‘ziga yosh keltirdi. Shuningdek, aktyorlarning o‘zlari uchun ham ushbu samimiy asar ularning orasida mustahkam do‘stlik rishtalari bog‘lanishiga olib keldi.

Oradan o‘n yil o‘tib, juftlik tajriba va mahorati oshgan yetuk aktyorlar sifatida yana juftlik tarzida namoyon bo‘ldi. Ular ishtirok etgan “O‘zgarishlar yo‘li” filmi sujetiga ko‘ra, ayol oilaviy munosabatlardagi qiyin inqirozni boshdan kechiradi, bu esa boshqa personajlarning xarakteri orqali yanada kuchayadi. Qisqa qilib aytganda, parda ortidagi oilaviy hayotning ajoyib va og‘ir damlari aks etgan film.

Emma Stoun va Rayan Gosling

Emma va Rayan ekranda uch marotaba juftlik sifatida ko‘rinish bergan. Ularning muhabbati shu qadar ishonarli ediki, tomonshabinlar juftlikning hayotdagi munosabati to‘g‘risida ham bashorat qila boshlagan. Ammo aktyorlar faqatgina qalin do‘st bo‘lib qoldi.

Juftlik dastlab “Bu ahmoqona muhabbat” dramasida, keyin esa “Gangster ovchilari”da ham hamkorlikda rol ijro etdi. Ularning ijodiy faoliyatidagi yana bir muhabbat voqeasi nafaqat ishlab chiqarish, balki “Oskar-2017”dagi janjallari bilan ham mashhurlikka erishgan “La-la Lend” musiqiy filmi bo‘ldi.

Kianu Rivz va Sharliz Teron

Rivz va Teron ikki marotaba juftlik rolini ijro etdi. “Totli noyabr” filmida qahramonlar o‘zlarining yorqin tuyg‘ularini iloji boricha to‘laqonli va abadiy muhrlashga intilib, chidab bo‘lmas kuchga qarshi turadi. Ushbu filmda juftlikning o‘ziga yarasha mahorati ularning oldiga qo‘yilgan vazifani a’lo darajada uddaladi. Lekin “Iblisning advokati” filmida juftlikni boshqa bir syujet kutib turar edi. Endi Rivz muhabbatni yo‘q qilish markazi bo‘lib rol ijro etgan. Go‘zal, yosh, muvaffaqiyatga erishgan sevishganlar birgalikda baxtli bo‘lishlari ham mumkin edi, ammo voqealar buning aksi bo‘lib chiqadi.

Adriano Chelentano va Ornella Muti

Ushbu ajoyib italiyalik juftlikni barcha ilk bora ko‘rgandayoq yoqtirib qolgan va bu hanuzgacha davom etmoqda. Ajoyib yumor, romantika va italyancha ehtirosga boy film tomoshabinlarga bayramona kayfiyat bag‘ishlaydi.

Aktyorlar hamkorligi ikkita filmni dunyoga keltirgan. Ular “Qaysarning quyilishi” komediyasi va “Devona oshiq” sevgi haqidagi kartinalardir.

Richard Gir va Juliya Roberts

Gir va Juliya Zolushka haqidagi filmni zamonaviylashtirdi. Tadbirkor yigit va ko‘chadagi qizning sevgisi sinchkovlik bilan kuzatadigan tomoshabinlarda ko‘plab savollarni tug‘dirdi. Ammo bu filmning mashhurlikka erishishiga to‘sqinlik qilmadi. Keyinchalik “Qochoq kelin” filmidagi juftlik avvalgidek muhabbatga ega bo‘lmadi, ammo kartina kassabop filmlar qatoridan joy oldi.

Tom Xenks va Meg Rayan

Ushbu ijodiy hamkorlik haqiqatan ham yaralangan qalblar uchun malhamdir. Juftlik ilk bora “Jo vuloqnga qarshi” filmida rol ijro etdi. Ammo “Sietlda uyqusiz” va “Sizga maktub bor” filmi haqiqiy mashhurlikka erishdi – unda hech qanday manfaat va murakkablik mavjud emas. Shunchaki iliq va samimiy tuyg‘ular aks etgan.

Oradan 17 yil o‘tib, Meg o‘zi rejissorligida “Itaka” filmini suratga oldi. Shuningdek, bosh qahramon o‘zi va turmush o‘rtog‘ini – Tom ijro etdi. Afsuski, film muvaffaqiyatga erishmadi.

Monika Beluchchi va Vensan Kassel

Kino san’atidagi eng go‘zal juftliklardan biri, deya e’tirof etilgan Beluchchi va Kassel hayotda ham buni isbotladi. Ular 12 yil davom etgan turmushi davomida ikki qiz farzand va bir nechta ajoyib filmlar taqdim etdi. Ular ijrosidagi sevgi uchun kurash haqida melodrama “Xonadon” hamda “Qaytarilmaslik” filmida juftlik qahramonlarining boshdan kechirgan murakkab his tuyg‘ularini eng realistik tarzda yetkazishga muvaffaq bo‘ldi.