Toshkentning Uchtepa tumani Farhod ko‘chasida joylashgan Uchtepa Outlet Centre savdo majmuasida 11-oktabr kuni tong soat 8:49 da yong‘in kelib chiqdi, deya xabar bermoqda Toshkent shahar Favqulodda vaziyatlar boshqarmasi. O‘zbekiston FVV ma’lumotiga ko‘ra, yong‘in haqidagi xabar 8:50 da kelib tushgan.
Toshkent shahar FVB ma’lumotiga ko‘ra, o‘t o‘chiruvchilar voqea joyiga chaqiruv bo‘lganidan besh daqiqa o‘tib, 8:54 da yetib borgan (FVV uch daqiqa yetib borilganini yozmoqda), olovni o‘chirishga 10 ta yong‘in-qutqaruv texnikasi jalb etilgan. Qayd etishlaricha, ko‘rilgan tezkor choralar natijasida yong‘in soat 9:54 da to‘liq bartaraf etilgan.
Toshkent shahar FVB ma’lumotiga ko‘ra, yong‘in oqibatida majmuaning ichki va tom qismida 1500 kvadrat mer maydon yongan. “Yong‘in sabablari va yong‘indan keltirilgan moddiy zarar miqdori aniqlanmoqda”, -- deyiladi boshqarma axborotida.
Hodisa oqibatida tan jarohati olganlar bor-yo‘qligiga aniqlik kiritilmagan.
Izoh (0)