So‘nggi bir kecha-kunduzda butun dunyo bo‘ylab 383,3 mingta koronavirusga chalinish holati qayd etildi, deb yozadi “RBK” Jahon sog‘liqni saqlash tashkilotiga tayanib.

Foto: AP Photo

Bu COVID-19’ga chalinish holatlarining bir kecha-kunduzdagi rekord darajada o‘sishidir. Bunday rekord ko‘rsatkich ketma-ket uchinchi kun qayd etilmoqda: 9-oktabr kuni bir kecha-kunduzda dunyo bo‘ylab 338 799 kishi koronavirus yuqtirib olgan bo‘lsa, 10-oktabr kuni dunyo bo‘ylab 350 766 kishi koronavirus yuqtirib olgan edi. Har ikkala ko‘rsatkich ham pandemiya davridagi yangi rekord bo‘lgan edi.

Bir kecha-kunduzdagi eng ko‘p kasallanishlar quyidagi o‘nta mamlakatda qayd etilgan:

  • Hindiston — 73,2 ming kishi;
  • AQSh — 54,2 ming kishi;
  • Meksika — 30,4 ming;
  • Fransiya — 201, ming;
  • Argentina — 15,4 ming;
  • Buyuk Britaniya — 13,8 ming;
  • Rossiya — 12,8 ming;
  • Ispaniya — 12,7 ming;
  • Chexiya — 8,6 ming;
  • Kolumbiya — 8,4 ming.

Eslatib o‘tamiz, dunyoda COVID-19’ga chalinganlar soni 37 milliondan oshdi.