Pandemiya boshidan buyon dunyo bo‘ylab 37 milliondan ortiq kishi koronavirusga chalindi, deb xabar beradi “RBK” Jons Hopkins universiteti yig‘ma statistikasiga tayanib.
Ikki kun ichida kasallanganlar soni 1 millionga ko‘paydi: 36 millionlik marradan 8-oktabr kuni o‘tilgan edi.
Kasallanish holatlari soni bo‘yicha yuqori uchlikka AQSh (7,68 millionta holat), Hindiston (6,9 million) va Braziliya (5 million) kiradi.
Avvalroq bir kecha-kunduzda koronavirusga chalinish holatlari soni bo‘yicha yangi rekord qayd etilgan edi. Bir kecha-kunduzda dunyo bo‘ylab 338 799 kishi koronavirus yuqtirib oldi, bu butun pandemiya davridagi yangi rekord bo‘ldi.
Ma’lumot uchun, dunyoda koronavirusga chalinganlar soni 30-avgustda 25 million, 11-sentabrda 28 million, 14-sentabrda 29 million, 18-sentabrda 30 million, 21-sentabr kuni 31 million, 5-oktabr kuni 35 million kishidan oshgan edi.
Izoh (0)