Jahongir Hotamov Namangan viloyati prokurori etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Namangan viloyati hokimligida bo‘lib o‘tgan yig‘ilishda O‘zbekiston Respublikasi bosh prokurori Nig‘matilla Yo‘ldoshev, viloyat hokimi Shavkatjon Abdurazzoqov ishtirok etgan.
Bosh prokuror o‘rinbosari etib tayinlangan viloyatning sobiq prokurori Akmalxo‘ja Mavlonovning xizmatlari alohida e’tirof etilib, izzat-ikrom bilan kuzatilgan.
Jahongir Hotamov 2016—2017-yillarda Jizzax viloyati prokurorining birinchi o‘rinbosari, 2017—2018-yillarda Toshkent shahar prokurorining birinchi o‘rinbosari bo‘lgan.
2018-yil fevralidan hozirga qadar Xorazm viloyati prokurori lavozimida ishlab kelgan. Qiziq tomoni, u ushbu lavozimga ham Akmalxo‘ja Mavlonovning o‘rniga tayinlangandi.
Izoh (0)