Uzbekistan Airways aviakompaniyasi tomonidan 2020-yil 16-oktabrda Qozondan, 17-oktabrda Samaradan va 20-oktabrda Novosibirskdan Toshkentga qo‘shimcha charter qatnovlari amalga oshiriladi. Bu haqda kompaniya axborot xizmati ma’lum qildi.
Qayd etilishicha, Rossiya shaharlaridan O‘zbekistonga havo qatnoviga O‘zbekiston, Rossiya va Qirg‘iziston fuqarolariga PZR tekshiruvidan o‘tganligi to‘g‘risidagi ma’lumotnomani (qatnov jo‘nashidan oldin kamida 72 soatdan ko‘p bo‘lmagan muddatda amal qiluvchi) majburiy ravishda taqdim etish sharti bilan ruxsat beriladi.
Ma’lum qilinishicha, PZR ma’lumotnomasiga ega bo‘lmagan yo‘lovchilar aviakompaniya parvozlariga qo‘yilmaydi.
Aviachiptalarni aviakompaniya veb-saytidan, shuningdek, Uzbekistan Airways AJning eng yaqin savdo ofislaridan yoki mintaqadagi savdo agentlaridan sotib olish mumkinligi aytilgan.
Avvalroq Rossiyaning Qozon shahridan 700 ga yaqin o‘zbekistonlik avtobuslarda vatanga qaytarilayotgani xabar qilingandi.
Mavzuga doir:
- Uzbekistan Airways 5–7-oktabr kunlari Sankt-Peterburgdan O‘zbekiston shaharlariga charter reyslarni amalga oshiradi
- Samara va Rostovdagi palata lagerlarda yashagan barcha o‘zbekistonliklar vatanga qaytarildi
- O‘zbekistonliklar Janubiy Koreyaga COVID-19’ga chalinmaganlik haqida soxta ma’lumotnoma bilan kelayotgani ma’lum qilindi
Izoh (0)