Davlat soliq qo‘mitasi raisi Sherzod Kudbiyev “Alter Ego” loyihasiga bergan intervyusida vazirlik lavozimiga qanday insonlar tayinlanishi va bu jarayon qanday kechishi haqida gapirib berdi, deya xabar bermoqda “Gazeta.uz” .
Sherzod Kudbiyev vazirlik lavozimiga yoki boshqa yuqori lavozimga nomzodni tanlashda, birinchidan, odamning vazir o‘rinbosari, sanoat rahbari sifatida u yoki bu yo‘nalishda ko‘rsatadigan kasbiy fazilatlari hisobga olinishini ta’kidladi.
“Ikkinchisi — psixologik fazilatlari. Inson psixologik jihatdan qanchalik barqaror, boshqa odamlarni rag‘batlantirish uchun qanday imkoniyatlarga egaligi va avvalgi lavozimlarda ko‘rsatgan samaradorligi hisobga olinadi.
Bu juda qiyin tanlov. Vazir – ma’lum bir sohada siyosat yuritadigan shaxs. Siyosatni ishonchli yo‘nalishda olib boradigan asosiy shaxs va amaldor”, – dedi Kudbiyev.
Mavzuga doir: “Yaqin yillar ichida hokimlarni saylash tizimiga o‘tamiz, lekin bu qachon bo‘lishini aytolmayman” – Tanzila Norboyeva
“Ushbu xizmat xodimlarining tarkibida 35 ga yaqin kishi bor. Har bir lavozim uchun kamida uchta nomzod taqdim etiladi, ammo juda ko‘p ma’lumotlar qayta ishlanadi. Bosh vazir nomzodni tayinlash to‘g‘risida taklif kiritadi, u Oliy Majlis deputatlari tomonidan ko‘rib chiqiladi va ular tasdiqlangandan keyin esa nomzod prezident tomonidan tasdiqlanadi. Aksincha emas. Qonunda aniq yozilgan”, — deydi Sherzod Kudbiyev.
Eslatib o‘tamiz, 25-sentabrda Shuhrat G‘aniyev Farg‘ona viloyati hokimi lavozimini tark etayotgani va qishloq xo‘jaligi va oziq-ovqat sohalarini rivojlantirish bo‘yicha O‘zbekiston bosh vazirining o‘rinbosari lavozimini egallashi ma’lum bo‘ldi. Xuddi shu kuni uning nomzodi Qonunchilik palatasi deputatlari tomonidan bir ovozdan ma’qullandi, garchi ushbu lavozimga tayinlash to‘g‘risidagi Prezident farmoni bir kun oldin imzolangan bo‘lsa ham (qonunga ko‘ra, Prezident farmonni deputatlar tasdiqlaganidan keyin imzolaydi).
Izoh (0)