Ijtimoiy tarmoqlarda Malibu rusumli avtotransport vositasining zovurga tushib ketganligi holati tarqaldi, deya xabar bermoqda viloyat IIB YHXB.
Ma’lum qilinishicha, Samarqand viloyati IIB YHXB tomonidan olib borilgan o‘rganishlar davomida, hodisa 2020-yilning 5-oktabr kuni soat 16:10 larda 4R-48 avtomobil yo‘lining 69 kilometrida sodir bo‘lganligi ma’lum bo‘ldi.
Shu yo‘nalishda harakatlanib kelayotgan Malibu haydovchisi boshqaruvni yo‘qotib, yo‘lning o‘ng tarafidagi suv oqib o‘tadigan zovurga tushib ketgan. Natijada avtomashina ichida bo‘lgan haydovchi va 1 nafar yo‘lovchi tibbiyot bo‘limiga murojaat qilgan.
Hozirda 2 nafar fuqaroning ham ahvoli yaxshiligi ma’lum qilingan.
Avvalroq Navoiyda Isuzu yuk mashinasi haydovchining uxlab qolishi oqibatida Damas’ga urilgani va zovurga tushib ketgani haqida xabar berilgandi.
Izoh (0)