Rossiyaning “TASS” agentligi Putin bilan bo‘lgan katta intervyuni 7-oktabr — uning tug‘ilgan kunida e’lon qildi, deb yozadi Meduza. Unda prezident hamma narsa kattalarga xos tarzda bo‘lishi kerakligini aytadi.
Prezidentning ta’kidlashicha, maktabning yuqori sinflarida u Rixard Zorgega o‘xshashni istagan. “Mening farzandlarim uchun kim avtoritet bo‘lgan? Umid qilamanki, men”, — dedi u. Nevaralari hali kichkina ekanligini aytib, ularning nechtaligiga aniqlik kiritgisi kelmadi. “Aytdim-ku: nevaralarim bor, men baxtliman, ular juda yaxshi, shirin bolalar”.
“Men saylovga borsam, odamlar oilamga emas, o‘zimga ovoz beradi. Siyosiy madaniyat oila a’zolariga bog‘liq bo‘lgan vaziyat - G‘arbda, — deya fikr bildirdi Rossiya prezidenti. — Biz esa bunday teatr bilan shug‘ullanadigan holatda emasmiz, bizda hammasi kattalarga xos tarzda bo‘lishi kerak”. Putinning fikricha, bundan tashqari, xavfsizlik masalalari ham bor.
Shaxsiy yo‘qotishlari haqida gapirar ekan, ota-onasi vafot etgani — eng katta yo‘qotish ekanligini aytdi. “Universitetdagi do‘stlarim deyarli o‘zgarmagansan, deyishadi. Menimcha, men insoniylik xislatlarini saqlab qolishga muvaffaq bo‘lyapman. Taqdirga ishonaman, ammo unga o‘zimiz ta’sir o‘tkaza olishimizga ham ishonaman”, — dedi Vladimir Putin.
Izoh (0)