COVID-19’ga chalinish holatlarining haqiqiy soni rasman qayd etilganidan ancha ko‘p bo‘lishi mumkin. Bu haqda Jahon sog‘liqni saqlash tashkiloti favqulodda vaziyatlar xizmati rahbari Maykl Rayan ma’lum qildi, deb yozadi Meduza.
Rayanning so‘zlariga ko‘ra, ayni paytgacha virusga Yer aholisining taxminan 10 foizi — 780 million kishi chalingan bo‘lishi mumkin. JSST vakili bu ko‘rsatkichni “optimistik” deb atadi.
Kasallanishning ikkinchi to‘lqini haqida fikr bildirayotib, Rayan hozir dunyoga og‘ir davr kirib kelayotganini aytdi.
Ma’lumot uchun, pandemiya boshidan buyon dunyo bo‘yicha koronavirusga chalinganlar soni 35 million kishidan oshdi.
Kasallanish holatlarining eng ko‘pi hamon AQShda qayd etilmoqda. Mamlakatda pandemiya boshlanganidan beri 7,4 million kishida koronavirus aniqlangan. Ikkinchi o‘rinda — Hindiston (6,5 million), undan keyin — Braziliya (4,9 million) bormoqda.
Izoh (0)