Qimmatbaho sumkalar doimo ham yuqori sifatga kafolat bera olmaydi. Mahsulotning sifatsizligidan darak beruvchi belgilar bilan yaqindan tanishib chiqish foydadan xoli emas.

Aniq bo‘lmagan shakl

Foto: Cosmopolitan

Sifatsiz sumka ko‘pincha qopga o‘xshaydi. Shuning uchun u dastlab aniq shaklga ega bo‘lishi kerak, sumkami yoki xalta, aniqlab olish zarur. Sifatsiz sumkalarda birinchi shaklni tilga olish bejizga emas, noaniq shakldagi sumka o‘sha xotira bilan insonlar yodida qoladi. Shuningdek, umuman tasvir haqidagi taassurotni buzadi.

Notekis choklar

Foto: Cosmopolitan

Notekis chok – xarid chog‘ida yana bir yodga tushishi kerak bo‘lgan belgidir. Ushbu nuqson, albatta, sumkaning umrini sezilarli darajada qisqartiradi.

Ortiqcha iplar

Foto: Cosmopolitan

Sifatli sumkalarning astari, choki, ichki qismlarida hech qanday ortiqcha ip chiqib turmaydi. Garchi sumka qanchalar chiroyli va bejirim bo‘lmasin, undan osilib turgan ip tolalarini kesib tashlash keyinchalik boshqa choklarga zarar berishi mumkin. Shuningdek, sumka sifatiga ham ta’sir qiladi.

Sifatsiz bezaklar

Foto: Vogue

Orzudagi sumka xarididan so‘ng kuni bo‘yi undan foydalanish natijasida kamchiliklar ko‘rina boshlaydi. Masalan, sumka ustiga yopishtirilgan yoki tikilgan bezaklarning tushib ketishi yoki rangi o‘zgarishi mumkin. Sumka qanchalar yangi bo‘lmasin, uning ko‘rinishini buzib turadi.

Yoqimsiz hid

Foto: “womanrambler.ru”

Sumka charm yoki charm o‘rnini bosuvchi materialdanmi – farqi yo‘q. Sababi sifatli sumkalar o‘zidan hech qanday hid chiqarmaydi. Xarid chog‘ida ham biroz noxush hid sezilsa, darhol tanlovni o‘zgartirgan ma’qul. Chunki hid keyinchalik ham bezovta qiladi. Shuningdek, yoqimsiz hidning asosiy sababi materialga kimyoviy modda aralashganidir. Aynan bu orqali ba’zi allergik kasalliklar qo‘zg‘alishi ham mumkin.

Yomon astar

Foto: “womanrambler.ru”

Albatta, sumka astarini faqatgina uning egasi ko‘rishi mumkin. Lekin aynan astarda ham bir qancha muammolar kelib chiqadi. Masalan, astarning sifatsizligi natijasida tez yirtiladi va sumkaga solingan buyumlar astar teshigiga tushib qolishi mumkin. Shuningdek, astar bilan bog‘liq yana bir qancha yoqimsiz holatlar paydo bo‘ladi.

Ortiqcha detallar

Foto: “womanrambler.ru”

Ko‘pincha turli munchoq va toshlar bilan bezatilgan sumkalar aslida uning ko‘rimsiz va sifatsizligini yashirish maqsadida qo‘llaniladi. Ayrim xaridorlar ana shunday qo‘shimcha detallar evaziga aldanib qoladi. Har qanday sumkaning o‘zi detallarsiz chiroyli ko‘rinishga ega bo‘lishi zarur.