Futbol bo‘yicha Yevropa Ligasi musobaqasining hal qiluvchi saralash bosqich uchrashuvlari 1-oktabr, payshanba kuni bo‘lib o‘tdi.
“Milan” jamoasi safarda “Riu Ave” bilan bahs yuritdi. Uchrashuvning asosiy vaqtida ikki jamoa ham bir martadan raqib darvozasini ishg‘ol etdi. Qo‘shimcha bo‘limlar debyutida Jelson Dala portugallarni oldinga olib chiqdi. Barchasi “Milan”ning mag‘lubiyati tomon ketayotgan bir vaqtda so‘nggi daqiqalarda mehmonlar penalti ishlab olishga erishdi. Uni Xoqon Chalxono‘g‘lu golga aylantirdi.
Penaltilar seriyasida jamoalar 12 martadan zarba ijro etdi, yakunda italyan klubi 9:8 hisobi bilan g‘alaba qozondi.
“Tottenhem” o‘z uyida “Makkabi”ni qabul qildi va yirik hisobdagi g‘alabani qo‘lga kiritdi. Londonliklar safida Harri Keyn het-trik qayd etgan bo‘lsa, Jovani Lo Chelso ikkita gol urdi, shuningdek, Lukas Moura va Dele Alli ham maydonni golsiz tark etmadi. Bunga mehmonlar ikkita to‘p bilan javob qaytardi.
Shu tariqa “Milan” va “Tottenhem” jamoalari Yevropa Ligasi guruh bosqichiga yo‘l oldi. Musobaqaga 2-oktabr, juma kuni qur’a tashlanadi.
Yevropa Ligasi
Pley-off bosqichi
1-oktabr, payshanba
“Riu Ave” Portugaliya — “Milan” Italiya 2:2
Penaltilar seriyasi — 8:9Gollar: 0:1 – 51 Salemakers, 1:1 – 72 Jeraldesh, 2:1 – 91 Dala, 2:2 – 120+2, penalti Chalxono‘g‘lu.
“Riu Ave”: Keshek, Aderllan Santos, Pintu, Monte, Borevkovich, Augusto, Tarantini (Yambor, 75), Pyazon, Diyego Lopes (Jeraldesh, 66), Karlush Mane (Gabrielzino, 109), Moreyra (Dala, 86).
“Milan”: Donnarumma, Kalabriya, Ker, Teo, Gabbiya, Chalxono‘g‘lu, Kessie (Tonali, 105), Kastilyexo (Brahim Dias, 46), Bennaser, Maldini (Rafael Leau, 67), Salemakers (Kolombo, 95).
Ogohlantirshlar: Borevkovich (15), Moreyra (41), Aderllan Santos (47), Teo (61), Augusto (65), Tarantini (68), Rafael Leau (98), Kyer (113).
Chetlatish: Borevkovich (120).
“Tottenhem” Angliya — “Makkabi” Isroil 7:2
Gollar: 1:0 – 2 Keyn, 1:1 – 17 Sheri, 2:1 – 20 Lukas Moura, 3:1 – 36 Lo Chelso, 4:1 – 39 Lo Chelso, 4:2 – 52, penalti Rukavitsa, 5:2 – 56, penalti Keyn, 6:2 – 74 Keyn, 7:2 – 90, penalti Alli.“Tottenhem”: Hart, Doerti, Alderveyreld, Sanches, Devis, Uinks, Heyberg (Sissoko, 63), Lukas Moura, Lo Chelso (Alli, 46), Bergveyn, Keyn (Regilon, 75).
“Makkabi”: Koen, Planich, Xabshi, Arad (Donio, 71), Mabuka, Lavi, Menaxem, Abu-Fani (Ashkenazi, 87), Sheri, Rukavitsa, Xaziza (Rodriges, 83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)