Italiya chempionatining 3-turidan o‘rin olgan “Jenoa” — “Torino” uchrashuvi Genuya klubi futbolchilarining ko‘pchiligida koronavirus aniqlangani sababli qoldirildi. Bu haqda “Jenoa” rasmiy saytida xabar berildi.
Qayd etish joiz, avvalroq klub jamoaning 11 nafar futbolchisi, shuningdek, klubning 4 nafar xodimida COVID-19 koronavirusi aniqlangani haqida xabar berilgandi.
Ta’kidlanishicha, klub amaldagi protokolda ko‘zda tutilgan barcha tartib-qoidalarni amalga oshirishni boshlab yuborgan va bu to‘g‘risida rasmiylarni xabardor qilgan. Uchrashuv 3-oktabr sanasiga belgilangandi.
Eslatib o‘tamiz, “Jenoa” o‘zbekistonlik hujumchi Eldor Shomurodov bilan 4-yillik shartnoma borasida kelishuvga erishgani, Eldorning yillik maoshi esa yiliga 600-700 ming yevroni tashkil qilishi haqida xabar qilingandi.
Izoh (0)