Toshkent shahar Chilonzor tumanida yashovchi 48 yoshli ayol 4-qavat derazasidan tushib ketdi, deya xabar bermoqda shahar IIBB.
Qayd etilishicha, “Bog‘zor” mahallasida yashovchi 48 yoshli V.M. ehtiyotsizligi sababli to‘rtinchi qavat derazasidan yiqilib tushganligi bois shifoxonaga joylashtirildi.
Tuman ichki ichlar organi xodimlari bilan suhbat davomida ayol haqiqatan ham ehtiyotsizligi sababli yiqilganini, uyni tozalash oldidan oila a’zolari bilan spirtli ichimlik iste’mol qilganini ma’lum qildi. Mast holatda bo‘lgani sababli muvozanatni yo‘qotgan V.M. hech kimga e’tirozi yo‘qligini bildirdi.
Shu bilan birga, V.M. yaqinda biometrik pasporti, xorijga chiqish pasporti va boshqa hujjatlari bo‘lgan paketni yo‘qotganini ma’lum qildi.
Chilonzor Migratsiya va fuqarolikni rasmiylashtirish boshqarmasi xodimlari unga ushbu masalada yordam berdi. Ayolni bo‘limgacha olib borib, biometrik ma’lumotlar olingandan so‘ng qaytarib uyiga yetkazib qo‘yildi.
Mavzuga doir:
Izoh (0)