Odatda Xiaomi har olti oyda bir marta smartfonlarni yangilab turishni yaxshi ko‘radi. Kompaniya 2020-yilning fevral oyida Mi 10 flagmanini taqdim etgan edi, shuning uchun yangi mahsulot haqida ma’lumot berish vaqti keldi.
Kompaniya bir vaqtning o‘zida ikki qimmatbaho smartfon va bitta o‘rta modelni taqdim qildi. Ular asosiy Mi 10T flagmani, uning takomillashtirilgan versiyasi – Mi 10T Pro va arzonroq Mi 10T Lite kabi qurilmalarni namoyish etdi.
Ikki samrtfon – Mi 10T va 10T Pro ham bir xil ko‘rinishga ega: shisha qopqoq, metall ramka va yon tomoni egilmagan tekis ekran. Smartfonlarning oldingi modellardan farqi shundaki, displeydagi tasvirning yangilanish chastotasi 144 gerts’ni tashkil etadi. Odatda bunday ekranlar o‘yin smartfonlari deb ham ataladi.
Shuningdek, model Full HD+ sifatni qo‘llab-quvvatlovchi 6,67 dyumli dioganal bilan IPS-displeyga ega. Bu AMOLED emas, shuning uchun smartfondagi barmoq izi skaneri qurilmaning ekraniga emas, o‘ng qismiga joylashtirilgan.
Kamera borasida ham yangiliklar yo‘q. Oddiy Mi 10T 64 megapikselli asosiy modul, 13 megapikselli keng burchak va 5 megapikselli makroga ega. Mi 10T Pro ham xuddi shunday to‘plamga ega bo‘lib, asosiy farqi 108 Mp sensori va optik stabilizatsiya qo‘shilgan.
Mi 10T flagmani lineykasi protsessor sifatida “qo‘shimcha” versiyasini emas, Snapdragon 865 ni tanlagan. Shuningdek, ulardan doimiy xotiraga ega 6 yoki 8 Gb (LPDDR5) va 128 yoki 256 Gb (UFS 3.1) dan birini tanlash mumkin, ammo ular xotira tezligini tejashga qodir emas.
Izoh (0)