Bu haqda 30-sentabr kuni Uy-joy kommunal xizmat ko‘rsatish vazirligi va “O‘zbekko‘mir” AJ mutasaddilari ishtirokida “Ijtimoiy soha obyektlarini 2020—2021-yillar kuz—qish mavsumiga tayyorlash” mavzusidagi matbuot anjumanida ma’lum qilindi.
Bu yil kuz—qish mavsumiga tayyorgarlik ishlari respublikada koronavirus pandemiyasi tarqalishi natijasida hududlarda e’lon qilingan karantin sharoitida amalga oshirilmoqda, bu esa ushbu ishlarga boshqacha tarzda yondashishni, yangi tizim joriy etishni talab etadi.Aziz Karimbekovning so‘zlariga ko‘ra, kelayotgan oktabr oyining boshlarida harorat pasaysa, isitish mavsumi ertaroq boshlanishi mumkin.Bu borada oldingi yillarda yo‘l qo‘yilgan kamchiliklardan to‘g‘ri xulosa chiqargan holda, ishlar tashkil etilmoqda. Bugungi kunda respublikamiz bo‘yicha markazlashgan issiqlik ta’minoti tizimi bilan 14,7 mingdan ziyod ko‘p xonadonli uylar qamrab olingan.
Aholiga issiqlik ta’minotini yetkazib berish tashkilotlari tasarrufida jami 633 ta markaziy va lokal qozonxonalar va 2 830 km issiqlik tarmoqlari mavjud. Issiqlikni yetarli darajada va sifatli tarzda yetkazib berish uchun tijorat banklari tomonidan 2020-yil 30-sentabr holatiga 30 863,0 mln so‘mdan ortiq kredit mablag‘lari ajratildi.
Shunga ko‘ra, respublikada faoliyat yuritayotgan 4 430 ta shirkat 3 toifaga ajratildi. Jumladan, xatlovga ko‘ra 1 351 tasi yaxshi, 1 986 tasi o‘rta va 1 093 tasi og‘ir toifada faoliyat yuritayotgani aniqlandi. Og‘ir toifada bo‘lgan 1 093 ta shirkatlar faoliyati bo‘yicha aholi fikr-mulohazalarini inobatga olgan holda, tugatish choralarini ko‘rib, ular o‘rniga boshqaruv tashkilotlari tashkil etilib, ko‘p kvartirali uylar boshqaruvini ularga berish ko‘zda tutilgan.
Shuningdek, kuz—qish mavsumida bir qancha ijtimoiy soha obyektlari:
joriy va mukammal ta’mirlandi.
- 762 ta Maktabgacha ta’lim muassasalari;
- Xalq ta’limi vazirligi tizimidagi 130 ta umumta’lim maktabi va 40 ta bolalar uylari va maxsus maktab-internatlar;
- Sog‘liqni saqlash vazirligi tizimidagi 67 ta davolash-profilaktika mussasalari;
- 179 ta kasalxona va poliklinikalar;
- 7 ta “Muruvvat” pansionatlari va “Saxovat” reabilitatsiya markazlari
Aziz Karimbekov, “Toshissiqquvvati” DUK bosh muhandisi
Izoh (0)