Shveysariyada 1-oktabrdan boshlab mingdan ortiq odam ishtirokidagi madaniy va sport tadbirlarini o‘tkazishga ruxsat beriladi, deb xabar bermoqda “Interfaks” Shveysariyaning Maten gazetasiga tayanib.
Xususan, gap konsert, spektakl va sport musobaqalari haqida bormoqda. Biroq bunday tadbirlarni o‘tkazish uchun rasmiylardan ruxsat olish kerak bo‘ladi.
Shveysariya koronavirus infeksiyasiga qarshi kurashda aholi harakatlanishi uchun boshqa Yevropa davlatlariga nisbatan ancha yumshoq cheklovlar qo‘ygan.
Mamlakatda jami 50 mingdan ortiq odam COVID-19’ga chalingan, 2 mingga yaqin kishi vafot etgan. O‘tgan bir sutka davomida Shveysariyada koronavirus yuqtirib olish bo‘yicha 411 ta holat qayd etilgan.
Izoh (0)