O‘zbekistonda eng qimmat va eng arzon osh qayerda tayyorlanayotgani ma’lum qilindi

Davlat statistika qo‘mitasi O‘zbekiston viloyat markaziy hududlari kesimida tayyor palovning o‘rtacha narxlari to‘g‘risida ma’lumot berdi.

Qayd etilishicha, kuzatuv natijalari bo‘yicha palovning o‘rtacha narxlari quyidagi ko‘rinishga ega bo‘ldi:

Ma‘lumotlarga ko‘ra, mamlakat bo‘yicha eng arzon palov Qoraqalpog‘istonda tayyorlanadi. U yerda bir porsiya palov o‘rtacha 13 883 so‘mdan sotilmoqda. Eng qimmat palov esa Buxoro viloyati (18 667 so‘m) va Toshkent shahrida (18 600 so‘m) ekani aniqlangan.

Bildirilishicha, narxlarni ro‘yxatga oluvchi tomonidan kuzatuv o‘tkazilgan kun va vaqtdagi narx-navo qayd etilib, bunda vaqt va joyiga qarab narxlar o‘zgarib turadi.

Mazkur ma’lumotlarning shakllanishi jarayonida faqatgina tanlab olingan umumiy ovqatlanish muassasalari (osh markazlari)dagi palovning o‘rtacha narxlari hisobga olingan bo‘lib, restoran va choyxonalardagi narxlar inobatga olinmagan.