Bosh prokuraturaning Uyushgan jinoyatchilik va korrupsiyaga qarshi kurashish boshqarmasi boshlig‘i vafot etdi

O‘zbekiston Bosh prokuraturasining yana bir mas’ul xodimi vafot etdi, deya xabar bermoqda “Xabar.uz”.

Ma’lum qilinishicha, 2019-yilning iyul oyidan Bosh prokuraturaning Uyushgan jinoyatchilik va korrupsiyaga qarshi kurashish boshqarmasi boshlig‘i sifatida faoliyat ko‘rsatib kelayotgan Saydulla Elmurodov 29-sentabr kuni vafot etdi. Marhumning vafoti sababi ochiqlanmagan.

Saydulla Elmurodov Bosh prokuraturaga ishga o‘tishidan avval Toshkent viloyati prokurorining o‘rinbosari lavozimida faoliyat yuritgan.

Avvalroq Qashqadaryoda prokuror ikki tomonlama pnevmoniyadan, Bosh prokuratura boshqarma boshlig‘i va Toshkent viloyati prokuraturasi katta tergovchisi Turg‘un Kamolov koronavirus asoratlari oqibatida vafot etgani haqida xabar berilgandi.