Rossiyada so‘nggi sutkada 8135 kishida koronavirus aniqlandi, deb xabar bermoqda “RBK” koronavirus infeksiyasiga qarshi kurash bo‘yicha tezkor shtabga tayanib.
So‘nggi marta 8 ming kishidan ortiq kasallanish 16-iyunda qayd etilgan. Shu kuni 8248 kishida COVID-19 aniqlangan. Tezkor shtab ma’lumotlariga ko‘ra, mamlakatda butun pandemiya davomida 1 159 573 kishi koronavirusga chalingan. Ayni paytda mamlakat koronavirusga chalinganlar soni bo‘yicha dunyoda to‘rtinchi o‘rinda.
Yangi kasallanish holati Adigedan tashqari mamlakatning barcha hududlarida aniqlangan. So‘nggi sutkada koronavirus aniqlanganlarning 2200 nafari (27 foizi)da kasallikning klinik belgilari kuzatilmagan. Kasallanish holatining sutkalik o‘sish surati 0,7 foizni tashkil etgan.
Tezkor shtab ma’lumotlariga ko‘ra, so‘nggi sutkada kornavirusga chalinish bo‘yicha eng ko‘p holat Moskva shahri (2217 kishi), Sankt-Peterburg (237), Moskva (212 kishi) va Rostov (193) viloyatlarida qayd etilgan.
Eslatib o‘tamiz, Rossiyada 23-sentabr kuni 6431 kishida, 24-sentabrda 6595 kishida, 25-sentabrda 7212 kishida COVID-19’ qayd etilgandi.
Izoh (0)