Armaniston Ozarbayjonning bosib olingan hududlaridan chiqib ketishi kerak, dedi Turkiya prezidenti Rajab Toyyib Erdo‘g‘on Qorabog‘ mojarosining keskinlashuviga izoh berarkan. Bu haqda Hurriyet’ga tayanib, “Meduza” xabar qildi.
“Men kecha Ozarbayjon hududiga hujum qilgan Armanistonni qoralayman. Tog‘li Qorabog‘ni bosib olish bilan boshlangan inqirozga barham berish kerak”, – dedi Turkiya rahbari.
Armaniston Tashqi ishlar vazirligi 28-sentabr kuni Turkiya harbiylari Ozarbayjon tomonidagi Tog‘li Qorabog‘dagi janglarda bevosita ishtirok etishlarini ma’lum qildi. Armanistonning Rossiyadagi elchisi Vardan Tog‘anyanning so‘zlariga ko‘ra, Turkiya Suriyadan harbiylarni mintaqaga yubormoqda.
Erdo‘g‘on 27-sentabr kuni Ozarbayjon prezidenti Ilhom Aliyevga qo‘ng‘iroq qilib, Turkiya har doimgidek bugun ham Ozarbayjonning yonida ekanini aytgan.
Mavzuga doir:
- Tog‘li Qorabog‘da yana jang. Ozarbayjon bir necha qishloq bosib olinganini ma’lum qildi, Armaniston esa harbiy holat va umummilliy safarbarlik e’lon qildi
- Armaniston bosh vaziri jahon hamjamiyatidan Turkiyaning Qorabog‘ ishiga aralashuviga yo‘l qo‘ymaslikni so‘radi
- Armaniston va Ozarbayjon Qorabog‘da yuzlab harbiylar halok bo‘lganini ma’lum qildi. Janglar qaytadan boshlandi
- Video: Tog‘li Qorabog‘dagi jangovar harakatlar
Izoh (0)