“O‘zbekiston 24” telekanali bosh muharriri Muhammadnozim Mavlonov 26-sentabr kuni vafot etdi, deb xabar bermoqda “Xabar.uz”.

Foto: “Xabar.uz”

Muhammadnozim Mavlonov 1964-yil 6-mart kuni Surxondaryo viloyati, Denov tumanida tug‘ilgan.

Jurnalist uzoq yillar “Axborot” direksiyasida faoliyat olib borgan va turli mavzulardagi dolzarb reportajlar tayyorlagan. 1999-yilda “Shuhrat” medali bilan taqdirlangan.

Xabarda Muhammadnozim Mavlonov vafoti sababi ma’lum qilinmagan.

Avvalroq milliy teleradiokompaniya tizimida bir necha yillar suxandon sifatida faoliyat yuritgan,“O‘zbekiston” telekanalidagi  “Assalom O‘zbekiston”, “Ohangrabo” ko‘rsatuvlarini tayyorlagan  Shuhrat Qayumov 51 yoshida olamdan o‘tgani xabar berilgan edi.