Kaliforniyada joylashgan Helen Woodward Animal Center hayvonlarga boshpana berish tashkiloti har yili itlar o‘rtasidagi syorfing bo‘yicha o‘tkaziladigan tanlovini yangicha formatda — masofadan turib o‘tkazdi. Tashkilotchilar itlarning egalari tomonidan olingan videolarni yig‘ib, 50 daqiqalik rolik taqdim etdi.
Tanlovda nafaqat Kaliforniyada istiqomat qiluvchilar, balki Amerikaning qolgan shtatlaridan va hatto boshqa mamlakatlardan bo‘lgan fuqarolar ham o‘z itlari bilan qatnashgan.
To‘rt oyoqli ishtirokchilar vazniga qarab alohida kategoriyaga ajratilgan. Hakamlar hay’ati esa itlarning syorfing taxtasida uzoq vaqt qolishi va turli tryuklarni qanday bajarishiga qarab ularni baholagan.
Ma’lum qilinishicha, itlar o‘rtasidagi jahon musobaqasi avgust oyida o‘tkazilishi kerak bo‘lgan, biroq koronavirus sabab 2021-yilning iyuliga ko‘chirilgan.
Izoh (0)