O‘zbekistonda 2020/2021-o‘quv yili uchun o‘tkazilgan test sinovlari natijalariga ko‘ra, respublika OTMlari bakalavriatiga jami 140 068 nafar abituriyent talabalikka qabul qilindi, deb xabar bermoqda DTM. Bu o‘tgan yildagi 102 350 nafarga nisbatan 37 718 taga ko‘p.
Shundan:
- davlat granti asosida — 28 173 nafar (jami topshirganlarning 20,1 foizi) abituriyent (2019-yildagi 18 130 nafarga nisbatan 10 043 taga ko‘p);
- to‘lov-kontrakt asosida — 111 895 nafar (jami topshirganlarning 79,9 foizi) abituriyent (2019-yildagi 84 220 nafarga nisbatan 27 675 taga ko‘p) talabalikka tavsiya etilgan.
- davlat granti asosida o‘rtacha o‘tish bali — 133,3 ballni;
- to‘lov-kontrakt asosida o‘rtacha o‘tish bali — 110,6 ballni tashkil etdi.
Eslatib o‘tamiz, O‘zbekiston OTMlariga 2020/2021-o‘quv yili uchun tasdiqlangan qabul kvotalariga ko‘ra, bakalavriatning kunduzgi ta’lim shakliga 103 575 nafar, sirtqi ta’lim shakliga 31 350 nafar, kechki ta’lim shakliga esa 5025 nafar talaba qabul qilinadi. Shuningdek, OTMlariga kirish uchun 2020-yilda 7 toifadagi 8694 nafar abituriyentga imtiyozli davlat granti ajratiladi. Xotin-qizlarning OTMga kirishida qo‘shimcha to‘rt foizli davlat granti asosida kvota ajratiladi.
2020/2021-o‘quv yili uchun OTMlarining bakalavriat ta’lim yo‘nalishlariga kirish test sinovlarining natijalari 25-sentabr kuni 15:00 da DTMning rasmiy veb-saytida e’lon qilindi.
Mavzuga doir:
- O‘zbekistonda ayni paytda 125 ta oliy ta’lim muassasalari faoliyat yuritib, qamrov darajasi 9 foizdan 25 foizga ko‘tarildi
- DTM sayti mandat e’lon qilinishi bilan “quladi”. Rasmiylar bu sayt har qanday yuklamani ko‘tara olishini aytgandi
- OTMga kira olmagan abituriyentlar super-kontrakt uchun qachondan ariza yozishlari mumkinligi ma’lum qilindi
- OTMlardagi test sinovlari natijalaridan qoniqmaganlar qachondan apellyatsiya berishi mumkinligi ma’lum qilindi
Izoh (0)