O‘zbekistonda COVID-19 bilan bog‘liq vaziyat murakkablashsa, og‘irlashib borsa, yana karantin choralari qaytarilishi mumkin. Bu haqda AOKA huzuridagi shtabda o‘tkazilgan brifingda Respublika maxsus komissiyasi va Koronavirusga qarshi kurash shtabi a’zosi Nurmat Otabekov ma’lum qilgan.
Bugungi kunda karantin choralarini kuchaytirish uchun jiddiy sabablarni ko‘rmayapman. Ammo so‘nggi vaqtda bizda har kuni koronavirus bilan kasallanish bilan bog‘liq 600 dan ko‘proq holat qayd etilmoqda. U karantin tadbirlarining yumshatilishi, epidemik barqaror bo‘lmagan hududlardan vatandoshlarimizning kelishi, shu bilan birga odamlarimizning karantin bekor qilinmagan, balki yumshatilganini unutib, o‘zlari xohlagandek yurgani bilan bog‘liq. Respublikamiz aholisi ham muayyan oddiy majburiyatlarga rioya qilishi kerak. Agar biz kelgusida ham epidemik vaziyatning murakkablashishiga sababchi bo‘laversak, hukumat bir qator cheklov tadbirlari, jumladan, shu vaqtgacha 2 marta qilinganidek, qat’iy karantin choralarini ham tatbiq etishi mumkin. Biz hammasi o‘zimizga bog‘liqligini unutmasligimiz kerak. Niqoblarni talab darajasida taqish, jamoat joylarida ijtimoiy masofa saqlash, antiseptiklardan foydalanish hamda qo‘llarni tez-tez yuvishni unutmasliklari kerak.Eslatib o‘tamiz, Respublika maxsus komissiyasining qaroriga binoan O‘zbekistonda 15-avgustdan boshlab karantin cheklovlari bosqichma-bosqich yumshatilgan. Xususan, avtomobillarning kun davomida harakatlanishiga, mahalliy avia va temiryo‘l qatnoviga, xususiy bog‘cha va maktablar faoliyatiga, 30 kishilik to‘ylarni o‘tkazishga ruxsat berilgan. 17-avgustdan viloyatlar o‘rtasida avtotransport qatnovi hamda jamoat transporti va shahar atrofidagi avtobus qatnovi tiklanadi, masjidlar qayta ochildi. 20-avgustdan buyum bozorlari va savdo majmualari qayta ishga tushdi.Nurmat Otabekov, Respublika maxsus komissiyasi va Koronavirusga qarshi kurash shtabi a’zosi
Izoh (0)