AQShning Nyu-York shahridagi Bruklin mavzesida “Ziyo Art” o‘zbek maktabi ish boshladi. Bu haqda Tashqi ishlar vazirligi matbuot xizmati xabar berdi.
Uning rasmiy ochilish marosimi 2020-yil 19-sentabr kuni bo‘lib o‘tgan. Tadbir O‘zbekistonning Nyu-Yorkdagi bosh konsulxonasi va “Mahalla USA” diaspora tashkiloti bilan birgalikda tashkil etilgan.
Bosh konsulxona ma’lumotlariga ko‘ra, maktab 16 Avenue O, Brooklyn NY 11204 manzilida joylashgan bo‘lib, o‘zbek tili va adabiyoti, odobnoma, tasviriy san’at, shaxmat va matematika fanlari bo‘yicha mashg‘ulotlar olib boriladi.
Darslar shanba va yakshanba kunlari o‘zbek tilida O‘zbekistondan olingan maxsus o‘quv materiallaridan foydalangan holda malakali o‘qituvchilar tomonidan olib boriladi. O‘qituvchilar tanlov asosida saralab olingan.
O‘zbekiston hukumati nomidan o‘zbek maktabi kutubxonasi fondiga kitoblar va badiiy adabiyotlar topshirilgan.
Izoh (0)