O‘zbekiston Ichki ishlar vazirligi tomonidan “Yo‘l harakati xavfsizligi sohasida davlat xizmatlari ko‘rsatish tartib-taomillarini soddalashtirish chora-tadbirlari to‘g‘risida”gi qaror loyihasi e’lon qilindi.
Foto: “Daryo”
Qarorda Davlat xizmatlari markazlari va Yagona interaktiv davlat xizmatlari portallariga transport vositalarini ro‘yxatdan o‘tkazish va ularga raqamlar berish, nodavlat avtomaktablarni ro‘yxatdan o‘tkazish, haydovchilik guvohnomasini olish uchun imtihonlarni qabul qilish vazifalari topshiriladi.
Avtoulovga litsenziya olish uchun navbatda turish va xizmatlar uchun to‘lovlar bilan yakunlanadigan jarayon raqamlashtiriladi.
Avtomatlashtirilgan raqamlar yangi tizimga muvofiq — avtomatik tanlov orqali qat’iy xronologik ketma-ketlik asosida beriladi (kimoshdi savdosida sotilganlar bundan mustasno).
Shuningdek, transport vositalarini ro‘yxatdan o‘tkazish, ularga davlat raqamlarini berish, haydovchilik guvohnomalarini ro‘yxatdan o‘tkazish (shu jumladan, yo‘qolgan yoki yangi turdagi litsenziyaga almashtirish) ro‘yxatdan o‘tgan joyidan qat’i nazar, Davlat yo‘l harakati xavfsizligi inspeksiyasining har qanday bo‘limida amalga oshiriladi.
Buning uchun ular 2021-yil 1-fevralga qadar haydovchilarni tayyorlash bo‘yicha ta’lim tashkilotlarini, Notarius avtomatlashtirilgan axborot tizimini, Davlat xizmatlari agentligini yo‘l harakati xavfsizligi xizmati bilan birlashtiriladi.
O‘zbekiston Ichki ishlar vazirligi avtomatlashtirilgan elektron axborot tizimi orqali haydovchilikka nomzodlardan nazariy imtihonlarni inson omili aralashmagan holda olish tizimini joriy etishda Vazirlar Mahkamasi huzuridagi Davlat test markazi bilan quyidagi masalalarda hamkorlik qilish hisobga olinadi:
- nazariy imtihon savollarining animatsion yoki boshqa shakllarda sodda bo‘lishini hamda yo‘l harakati qoidalari va o‘quv dasturida nazarda tutilgan mavzular doirasida shakllantirilishini ta’minlash;
- imtihon topshiruvchilarga har qanday usulda yordam berish yoki turli xil telekommunikatsiya vositalaridan foydalanish imkonini bermaydigan vaqtni belgilash hamda nazariy savollarning takrorlanishini oldini olish;
- nazariy savollarni yangilab turish va saviyasini oshirib borish;
- jismoniy shaxslar uchun yo‘l harakati qoidalari bo‘yicha bilim darajasini (ixtiyoriy ravishda) sinovdan o‘tkazish, shuningdek, haydovchilikka nomzodlarning o‘quv guruhlarida olgan bilimlarini tekshirish bo‘yicha internet butunjahon axborot tarmog‘i orqali servis xizmatini to‘lov asosida ko‘rsatish.
Belgilanishicha:
- avtomatlashtirilgan elektron tizimlari bilan ishlash jarayonlari O‘zbekiston Ichki ishlar vazirligi Yo‘l harakati xavfsizligi bosh boshqarmasida barpo etiladigan Boshqaruv markazi orqali kuzatib muvofiqlashtirib boriladi;
- avtomototransport vositalarini davlat ro‘yxatidan o‘tkazish hamda ularga ro‘yxatdan o‘tkazish davlat raqami belgilarini berish, shuningdek, haydovchilikka nomzodlardan imtihon olish va milliy haydovchilik guvohnomalarini rasmiylashtirish jarayonlari video kuzatuv qurilmalari orqali hududiy DYHXX organlari va Boshqaruv markazi tomonidan nazorat qilib turiladi;
- DYHXX organlarida avtomatlashtirilgan elektron tizimlarini joriy etish bilan bog‘liq xarajatlar O‘zbekiston Ichki ishlar vazirligi Yo‘l harakati xavfsizligi bosh boshqarmasi Davlat yo‘l harakati xavfsizligi xizmatining moddiy-texnika bazasini rivojlantirish, xodimlarini rag‘batlantirish va mukofotlash jamg‘armasiga mablag‘lari hisobidan amalga oshiriladi;
- jismoniy shaxslar uchun yo‘l harakati qoidalari bo‘yicha bilim darajasini (ixtiyoriy ravishda) sinovdan o‘tkazish, shuningdek, haydovchilikka nomzodlarning o‘quv guruhlarida olgan bilimlarini tekshirish bo‘yicha Internet butunjahon axborot tarmog‘i orqali servis xizmati ko‘rsatishdan tushadigan mablag‘lar O‘zbekiston Ichki ishlar vazirligi Yo‘l harakati xavfsizligi bosh boshqarmasi Davlat yo‘l harakati xavfsizligi xizmatining moddiy-texnika bazasini rivojlantirish, xodimlarini rag‘batlantirish va mukofotlash jamg‘armasiga yo‘naltiriladi va avtomatlashtirilgan elektron tizimlarini joriy etish xarajatlarini qoplash va xodimlarini rag‘batlantirish uchun maqsadli sarflanadi.
Bunda tegishli xarajatlar O‘zbekiston Ichki ishlar vazirligi Yo‘l harakati xavfsizligi bosh boshqarmasi Davlat yo‘l harakati xavfsizligi xizmatining moddiy-texnika bazasini rivojlantirish, xodimlarini rag‘batlantirish va mukofotlash jamg‘armasi mablag‘lari hisobidan moliyalashtirilishi belgilangan.
