Edinson Kavani “Real” futbolchisiga aylanishi mumkin

PSJ sobiq hujumchisi Edinson Kavani faoliyatini Ispaniya chempionatida davom ettirishi mumkin.

Marca nashrining xabar qilishicha, 33 yoshli futbolchi xizmatlari “Real”ga taklif qilingan. O‘yinchini tekinga qo‘lga kiritish imkoniyati madridliklarni bu taklifni o‘rganib chiqishga majbur qilgan.

Shu bilan birga, Kavani yiliga 7 million yevro miqdorida maosh so‘ramoqda.

Avvalroq urugvaylik futbolchi “Yuventus”, “Roma”, “Gremio”, “Benfika” va “Atletiko” bilan muzokaralar o‘tkazgan, biroq ularning hammasi Kavanining yuqori maoshi sabab bekor bo‘lgandi.

Kavani 2013—2020-yillar mobaynida PSJda to‘p surdi. 2019/20-yilgi mavsumda hujumchi Fransiya chempionatining 14 o‘yinida qatnashib, to‘rt gol va bitta golli uzatmaga muallif bo‘ldi.