O‘zbekistonda yosh bolalar orasida koronavirus kasalligi soni ko‘payishi natijasida ko‘plab bolalar o‘lib ketayotgani xususidagi gaplar haqiqatdan yiroq. Bu haqda Respublika maxsus komissiyasi va Koronavirusga qarshi kurash shtabi a’zosi Nurmat Otabekov AOKA huzurida tashkil etilgan brifingda ma’lum qilgan.
Respublikada koronavirus bo‘yicha statistik ma’lumotlar kun sayin tahlil qilib borilmoqda. Kasallanganlar orasida yosh bolalar ham qayd etilyapti. Buni kundalik axborotda Sog‘liqni saqlash vazirligi keng jamoatchilikka taqdim etib boryapti. Lekin yosh bolalarning aynan koronavirus kasalligidan o‘lib ketyapti, degan ma’lumotlar haqiqatdan ancha yiroq. Boisi kuzatishlardan bildikki, koronavirus kasalligi yosh bolalarda ancha yengil kechadi. Va yosh bolalarda kechadigan koronavirus kasalligining asoratlari ham kam bo‘ladi. Shuning uchun, koronavirusdan yuzaga kelishi mumkin bo‘lgan o‘lim holatlari aksariyat hollarda yondosh kasalligi bo‘lgan bemorlarda qayd etilyapti. Yosh bolalarda yondosh kasalliklar bo‘lish ehtimoli juda past bo‘lganligi nuqtayi nazaridan ular orasida kasallikka chalinganlar vafot etyapti va ular juda katta miqdorda ekan, degan fikrlar haqiqatdan ancha yiroq.Avvalroq Koronavirusga qarshi kurash shtabining yana bir a’zosi Barno Abdusamatova O‘zbekistonda shu kungacha koronavirusga chalinganlarning 3 932 nafari bolalar bo‘lib, ular orasida o‘lim holatlari qayd etilmagani, bolalar orasida kasallik 7-18 yoshgacha bo‘lganlarda ko‘p uchrayotgani, umumiy kasallanish ko‘rsatkichining 55 foizini bolalar tashkil etishini aytgan.Nurmat Otabekov, Respublika maxsus komissiyasi va Koronavirusga qarshi kurash shtabi a’zosi.
Mavzuga doir:
- O‘zbekistonda bir nafar bola Kavasaki sindromiga gumon qilingan — Koronavirusga qarshi kurashish shtabi a’zosi
- Koronavirusga chalingan ota-ona farzandini kasallikdan qanday asrashi kerak? Mutaxassis javobi
- Niqob taqib bo‘lmaydigan kichik yoshli bolalarni koronavirusdan qanday himoyalash kerak? Mutaxassis javobi
- Olimlar nima sababdan koronavirus bolalarda kam uchrayotganiga tushuntirish berdi
Izoh (0)