Farg‘ona viloyatida haydovchilik guvohnomasi yo‘q yigit rulda uxlab qolishi oqibatida piyodani urib ketdi, deya xabar bermoqda YHXBB.

Foto: YXHBB

Qayd etilishicha, 2020-yilning 15-sentabr kuni soat 06:30 larda Farg‘ona viloyati Uchko‘prik tumani “Jalayer” MFY hududidan o‘tgan A-373B avtomobil yo‘lining 35-kilometrida haydovchi, 1997-yilda tug‘ilgan, haydovchilik guvohnomasiga ega bo‘lmagan S.Sh. VAZ-21063 rusumli avtomobilda me’yoriy hujjatlarsiz harakatlanayotib, boshqaruv vaqtida uxlab qolgan.

Oqibatida yo‘lning chap tomon chetida to‘xtab turgan piyoda, 1976-yilda tug‘ilgan D.Sh.ni urib yuborgan.

Foto: YXHBB

Natijada piyoda, 44-yoshli D.Sh. og‘ir tan jarohatlari olib shifoxonada vafot etgan.

Foto: YXHBB

Mazkur YTH yuzasidan Uchko‘prik tumani IIB huzuridagi TB tomonidan tergovoldi surishtiruv harakatlari olib borilmoqda.