O‘zbekistonning mashhur xonandasi voyaga yetmagan qizning nomusiga teggani, IIB esa xonandaga nisbatan jinoiy ish ochishni rad etgani xabar qilingandi. Bosh prokuratura ushbu qaror yuzasidan o‘z munosabatini bildirdi, deb ma’lum qiladi “Xabar.uz”.

Foto: “Daryo”

Bosh prokuraturaning qayd etishicha, “nomusga tegish ishi” nazoratda, IIB tergovchisining bu boradagi qarori qonuniyligi Samarqand viloyat prokuraturasi tomonidan o‘rganilmoqda.

Xonanda bu holat bo‘yicha qiz bilan aloqada bo‘lganini inkor etmagan. Uning aytishicha, barchasi qizning o‘z xohishi bilan bo‘lgan. Xonanda, shu bilan birga, qiz bilan faqat u emas, balki yana ikki sherigi ham jinsiy aloqada bo‘lganini ma’lum qilgan.

“Men uning voyaga yetmaganini ham bilmaganman. Qizning otasi ‘shantaj’ qilyapti. Mendan uy talab qildi. Bizning faoliyatimizda bunaqa holatlar tez-tez bo‘lib turadi”, – dedi xonanda.