Vazirlar Mahkamasining “O‘zbekiston Respublikasida iqtisodiy o‘sishni tiklash va tizimli tarkibiy o‘zgarishlarni davom ettirish bo‘yicha 2020—2021-yillardagi amaliy harakatlar rejasi” e’lon qilindi.
Hujjatda O‘zbekistonda sement va oyna ishlab chiqaruvchi xususiy korxonalar soni oshirilishi belgilangan.
Qayd etilishicha, qurilish materiallari sanoatida geologiya-qidiruv ishlari, mahalliy xomashyoni qazib olish va qayta ishlash asosida xomashyo bazasini kengaytirish rejalashtirilmoqda.
Shuningdek, sement va oyna ishlab chiqaruvchi xususiy korxonalar soni va quvvatini sezilarli darajada oshirish orqali, ushbu turdagi qurilish materiallari ishlab chiqarishni demonopolizatsiya qilish va kelgusida sement va oynani monopol mahsulot turlari qatoridan chiqarish ko‘zda tutilgan.
Sohadagi investitsiya loyihalarini moliyalashtirish uchun “O‘zsanoatqurilishbank” ATB orqali xorijiy banklarning 175 million dollarlik uzoq muddatli kredit liniyalari jalb qilinadi.
Mavzuga doir:
- O‘zbekistonda import qilinayotgan tayyor elektrotexnika mahsulotlariga utilizatsiya yig‘imi joriy etiladi
- O‘zbekistonda davlat ishtirokidagi ayrim korxonalarda monopoliyaga qarshi yangicha nazorat tizimi joriy etiladi
- “O‘zmetkombinat” metall parchalarini tayyorlash bo‘yicha monopoliyasi bekor qilinishiga qarshi chiqqandi. Monopoliyaga qarshi qo‘mita unga javob qaytardi
Izoh (0)