Professional boksning yengil (-61,2 kg) vazn toifasida ringga chiqayotgan o‘zbekistonlik Ravshan Umrzoqov (10-1, 7 KO) o‘zining navbatdagi jangini 12-sentabr kuni o‘tkazadi.
Ravshan Rossiyaning Yekaterinburg shahrida tashkil etiladigan professional boks oqshomida ishtirok etadi. O‘zbekistonlik bokschiga esa ukrainalik yengilmas sportchi Zoravor Petrosyan (8-0, 3 KO) raqiblik qiladi. Petrosyan shu kunga qadar prof ringda sakkizta jang o‘tkazib, ularning barchasida g‘alaba qozongan. Uch bor raqiblarini nokautga uchratgan.
Umrzoqovning professional ringdagi janglari soni 11 tani tashkil etmoqda. U 10 ta jangda raqiblarini mag‘lub etgan. Yagona mag‘lubiyatini esa 2020-yil 24-yanvarida Esneyker Korreadan (14-2-1, 2 KO) qabul qilib olgan.
Ravshan Umrzoqov ishtirokidagi janglarni bu yerda tomosha qilish mumkin — HAVOLA.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)