Koronavirusga qarshi kurash shtabi a’zosi Barno Abdusamatova O‘zbekistonda yangi tug‘ilgan chaqaloqlarda koronavirus infeksiyasi holatlari nisbatan kam qayd etilgani, barcha holatlar yengil shaklda kechganini ma’lum qildi.
Mutaxassis, shuningdek, koronavirusga chalingan ayollardan tug‘ilgan chaqaloqlarda koronavirus infeksiyasiga tekshiruv o‘tkazilishi borasidagi masalaga aniqlik kiritgan.
“Yangi tug‘ilgan chaqaloqni koronavirus infeksiyasiga tekshiruv tug‘ilgandan so‘ng 12-24 soat o‘tgach amalga oshiriladi. Natijalarni tasdiqlash uchun takroriy test 24 soatdan keyin qilinadi. Tekshiruv uchun biomaterial sifatida burun-halqum yoki og‘iz-halqumdan surtma olinadi”, — deydi Abdusamatova.
Eslatib o‘tamiz, avvalroq koronavirusga chalingan ahvoli og‘ir yoki o‘ta og‘ir homiladorlar muddatiga qaramay tug‘dirilishi kerakligi, homiladorlarning isitmasi ko‘tarilsa, u COVID-19 bilan kasallangan yoki kasallanmaganidan qat’i nazar statsionarga yuborilishi shartligi, O‘zbekistonda tug‘ruqxonaga kelayotgan homilador ayollardan test topshirib kelish talab etilmasligi, koronavirusga chalingan homilador ayollar uchun qanday sharoitlar yaratilgani haqidagi xabarlar ham berilgan edi.
Mavzuga doir:
- Toshkentda koronavirusga chalingan homilador ayol farzandli bo‘ldi. Tug‘ruq jarayoni yetti soat davom etdi
- Koronavirusga qarshi kurash shtabi a’zosi ona suti bilan oziqlangan chaqaloqlarda koronavirusga qarshi kurasha olishi kuzatilganini ma’lum qildi
- Koronavirusga chalingan onalar farzandini emizishi mumkinligi ma’lum qilindi
Izoh (0)