Nonushtaga pishloq va kolbasali oladye pishiramiz

Uy bekalari uchun tez tayyor bo‘ladigan retseptlar bilan bo‘lishishda davom etamiz. Oladyelar nafaqat kattalar, balki bolajonlar uchun ham sevimli bo‘lishiga shubha yo‘q.

Quyidagi mahsulotlar kerak bo‘ladi:

• Un — 100 gr
• Qatiq yoki kefir — 125 ml
• Tuxum — 1 dona
• Ichimlik sodasi — 0,5 choy qoshiq
• O‘simlik yog‘i — 2-3 osh qoshiq
• Kolbasa — 150 gr
• Pishloq — 80 gr
• Shakar

• Qatiq yoki kefirni idishga soling, tuxum chaqing va sanchqi bilan yaxshilab aralashtiring.
• Un, soda, shakar, tuz qo‘shing.
• Yaxshilab aralashtirgandan so‘ng aralashmani 15 daqiqaga qoldiring.
• Kolbasani dumaloq plastinka, pishloqni qalinroq somoncha shaklida to‘g‘rang.
• Kolbasa ustiga, pishloq qo‘ying va ustidan yana bir bo‘lak kolbasa qo‘ying.
• O‘simlik yog‘i solingan tovaga 1 osh qoshiq aralashma soling.
• 1 daqiqadan keyin pishloqli kolbasa bo‘lagini soling.
• 3 daqiqadan keyin kolbasa ustidan yana 1 osh qoshiq aralashma quying (kolbasaning chetlari ochiq qolmasligi kerak).
• Ikkinchi tomonini ham 2-3 daqiqa davomida qovurib oling.