Qashqadaryo viloyatida faoliyat yurituvchi hokimlar velosipedda poyga uyushtirdi. Manzilga viloyat hokimi Zoir Mirzayev hamda Kitob tumani hokimi Alisher Zokirovlar birinchi bo‘lib yetib keldi.

Oldinda: Qashqadaryo hokimi Zoir Mirzayev va o‘ng tomonda Kitob hokimi Alisher Zokirov

Foto: Qashqadaryo viloyat hokimligi

Chapdan birinchida Qamashi hokimi Sherali Sanayev, Muborak tumani hokimi Ulug‘bek Ernazarov va Shahrisabz tumani hokimi Samad Hasanov

Foto: Qashqadaryo viloyat hokimligi

Bu haqda “Daryo”ga ma’lum qilgan viloyat hokimligi axborot xizmati rahbari Ahror Sodiqovning aytishicha, hokimlar “Avtomobilsiz bir kun” loyihasida ishtirok etib, uch kilometrlik masofani bosib o‘tgan.

Chapdan birinchida Nishon tumani hokimi Muxtor Hayitmurodov, Koson tumani hokimi Asrol Boyqarayev, Orqada, chapdan Qamashi hokimi Sherali Sanayev, Shahrisabz tumani hokimi Samad Hasanov va Dehqonobod hokimi Zoir Aliqulov

Foto: Qashqadaryo viloyat hokimligi

Bekzod Suyunov, G‘uzor tumani hokimi

Foto: Qashqadaryo viloyat hokimligi

Ta’kidlash lozim, O‘zbekiston mustaqilligining 29 yilligi munosabati bilan viloyatda ko‘plab yangiliklar qilindi. Jumladan Dehqonobod tumanida loyiha qiymati 840 million so‘m bo‘lgan “Iste’molchilar kutubxonasi” ish boshladi. Kutubxonada ichida ko‘zi ojizlar uchun brayl yozuvidagi yana bir kutubxona va tikuvchilik sexi ham mavjud bo‘lib, umumiy hisobda 20 dan ortiq yangi ish o‘rni yaratilgan.

Foto: “Daryo”

Shuningdek, tumanda bayram arafasida loyiha qiymati 1 milliard so‘m bo‘lgan yoshlar mehnat guzari ham ish boshlagan bo‘lib, unda 30 ta yangi ish o‘rni yaratgan tikuvchilik sexi, kompyuter markazi va mebel sexi faoliyat boshlagan.

Foto: “Daryo”

Mazkur obyektlar ochilishiga bag‘ishlangan tadbirda ishtirok etgan viloyat hokimi o‘rinbosari Ilhom Arziqulov kutubxona va yoshlar mehnat guzari dehqonobodlik yoshlar uchun bayramga munosib sovg‘a bo‘lganini ta’kidlagan.

Foto: “Daryo”

“Bunda tuman hokimi Zoir Aliqulov boshchiligidagi mas’ullarning hissasi beqiyos, buning uchun viloyat hokimligi nomidan, qolaversa, dehqonobodliklar nomidan tuman rahbariyatiga minnatdorlik bildiramiz”, — dedi viloyat hokimi o‘rinbosari Ilhom Arziqulov.

Foto: “Daryo”

Eslatib o‘tamiz, avvalroq viloyatga Xitoydan 30 ta Golden Dragon rusumli zamonaviy avtobus olib kelingani va yo‘lovchilarga xizmat ko‘rsatishni boshlagani, avtobuslarning dastlabki yo‘lovchilari viloyat hokimi boshchiligidagi rahbarlar va faollar ekanligi xabar berilgandi.