O‘zbekistonda xizmat ko‘rsatgan artist Fathulla Mas’udov 30-avgust kuni 57 yoshda vafot etdi. U koronavirusdan davolanayotgan edi.
Taniqli aktyorning yaqinlari hamda hamkasblari ijtimoiy tarmoqlarda u haqdagi xotiralarini yozib qoldirmoqda.
“Hech bir insonni juftidan ayrilmasin ekan. Bugun 31-avgust opam Gulira’no Mas’udovaning tavallud ayyomlari — 51 yoshni qarshiladilar. Ayni shu kunda ular va biz uchun Allohdan katta sinov, sabrimizni toblantiruvchi hodisa bo‘ldi, pochchajonim Fathulla Mas’udov 57 yoshlarida foniy dunyoni tark etib, boqiy dunyoga ketdilar. So‘nggi daqiqalargacha sog‘ayishlariga katta umid qilgandik, Allohdan tinimsiz ular uchun sog‘lik, umr so‘radik, lekin Allohning buyurganidan qochib bo‘lmas ekan. Joylari jannatda bo‘lsin, ilohim”, — deb yozadi aktrisa Muqaddas Sa’dullayeva.
https://www.instagram.com/p/CEiyT-6pDPj/
O‘zbekiston madaniyat vaziri Ozodbek Nazarbekov ham aktyorni iliq so‘zlar bilan yodga olib, uning yaqinlariga sabr tiladi.
https://www.instagram.com/p/CEhfe0tMzVm/
So‘z ustasi Shukrullo Isroilov Fathulla Mas’udovni oqibatli va rahmdil inson sifatida eslamoqda.
https://www.instagram.com/p/CEiiVBXssCU/
Xonanda Madina Mumtoz Fathulla Mas’udov haqidagi xotiralarini ta’sirli tarzda bayon etdi.
https://www.instagram.com/p/CEhlhvenHnU/
“Fathulla Mas’udovning so‘nmas xotirasi qalbimizda mangu yashaydi”, — deb yozdi O‘zbekiston xalq artisti Og‘abek Sobirov.
https://www.instagram.com/p/CEhoMfcBfjI/
O‘zbekiston xalq artisti Erkin Komilov ham hamkasbini iliq so‘zlar bilan esladi.
https://www.instagram.com/p/CEigBmHFUVy/
Taniqli shoir Bobur Bobomurod Fathulla Mas’udovning o‘limidan qayg‘uda ekanligini bildirdi. “Naqadar azobli ayriliq daf’i, siyraklashib borar do‘stlarning safi”, — deb yozdi shoir.
https://www.instagram.com/p/CEhiyu1pIHY/
Taniqli xonanda Tojibar Azizova Fathulla Mas’udovni o‘ta oilaparvar inson sifatida yodga oldi.
https://www.instagram.com/p/CEhjwfLnhP6/
Anvar Sobirov Fathulla Mas’udov bilan tushgan arxiv suratlari bilan bo‘lishdi.
https://www.instagram.com/p/CEiUHCIHSMZ/
Yosh aktrisa Durdona Qurbonova aktyorni yaxshi xotiralar bilan eslashini yozib qoldirdi.
https://www.instagram.com/p/CEhlcmzl6tF/
Xonanda Yorqinxo‘ja Umarov aktyorning yaxshilik qilishga undovchi so‘zlarini hech qachon unutmasligini yozib qoldirdi.
https://www.instagram.com/p/CEhzqOJDCd6/
Fathulla Mas’udov 1963-yilda Toshkent shahrida tavallud topgan. 2015-yildan buyon O‘zbek Milliy akademik drama teatri direktori lavozimida ishlab kelayotgandi. 1999-yili “Shuhrat” medaliga sazovor bo‘lgan, 2003-yili “O‘zbekistonda xizmat ko‘rsatgan artist” unvoni bilan mukofotlangan. 2014-yilda “Mehnat shuhrati” ordeni bilan taqdirlangan.
2020-yil O‘zbek milliy akademik drama teatri uchun og‘ir keldi. Teatr ketma-ket bir necha og‘ir judolikka uchradi. Xususan, 17-iyul kuni O‘zbekistonda xizmat ko‘rsatgan artist Abdurayim Abduvahobov 57 yoshida onkologik kasallik tufayli olamdan o‘tdi. 25-avgust kuni O‘zbekiston xalq artisti Dilbar Ikromova koronavirus oqibatida vafot etdi.
Izoh (0)