Atir ayol kishining fe’l-atvori, qiziqish va didi haqida ko‘p sirlarni oshkor qiladi. Mashhur va muxlislar uchun sevimli bo‘lgan yulduzlar qanday iforni xush ko‘radi va qaysi brendlarning muxlisi hisoblanadi? Marie Claire nashri shu haqda material tayyorladi.
Megan Markl
Megan Markl foydalanadigan atirlarning aksariyati — Jo Malone London brendiga tegishli. Eng sevimlilari ikki ingliz markasi: qo‘ng‘iroqgul, marvaridgul va na’matak iforining umumlashmasidan tashkil topgan Wild Bluebell va dengiz iforini yodga soluvchi Wood Sage & Sea Salt atiri hisoblanadi.
Shuningdek sobiq aktrisa limon, qorag‘at, apelsin va bergamot iforlaridan tashkil topgan universal atir — Oribe’ning Côte d’Azur’ini ham yaxshi ko‘radi.
Jennifer Lopes
1991-yilda shou-biznesga qadam qo‘ygan xonandani bugungi kunda tanimaydigan odamning o‘zi bo‘lmasa kerak. Doim diqqat markazida bo‘lgan ijodkor o‘zi asos solgan Jennifer Lopez markasidagi atirdan foydalanishni xush ko‘radi. Ushbu atir uni sepgan insonning individualligiga urg‘u beradi.
O‘z markasidagi iforlardan eng ko‘p Glow, Live va Still’ni ma’qul ko‘radi. Lopesga gullar, ayniqsa, tabargul ifori juda yoqadi.
Melaniya Tramp
AQSh prezidenti Donald Trampning rafiqasi klassik fransuz atirlaridan Chanel №5 va italyan atiri Dolce&Gabbana’ni afzal biladi.
Melaniyaga ko‘ngilga urmaydigan, ammo o‘ziga xos hid taralib turadigan sitrus va gul iforlari kompozitsiyasi yoqadi.
Kim Kardashyan
Amerikalik fotomodelning ham Jennifer Lopes singari nomi bilan atalgan atir brendi bor va aynan o‘sha atirdan foydalanishni ma’qul biladi. Shunga qaramasdan, boshqa brendlarning o‘ziga jalb qiladigan iforlari ham Kardashyan uchun sevimli bo‘lishi mumkin. Michael Kors brendiga tegishli Michael atirini model xush ko‘radigan iforlar sirasiga kiritsa bo‘ladi.
Unga sharqona gul notalari, Madagaskar pushti qalampiri va greypfrutli — ayollarga xos taraladigan shu bilan birga kundalik foydalanish uchun o‘tkir bo‘lmagan iforlar yoqadi.
Viktoriya Bekhem
Sobiq xonanda va model ayni damda dizayner sifatida yaxshi ma’lum bo‘lgan Viktoriyaning o‘z atir brendi bo‘lishiga qaramay, boshqa markalarning ham atirlaridan foydalanib turadi. Bekhem xonim atirini tez-tez almashtirib turishini, ammo Vilhelm Parfumerie brendining Room Service iforini kanda qilmasligini bildirgan.
Shuningdek u, eng qimmat atir brendi Clive Christian tomonidan taqdim etiladigan iforlarning ham muxlisi hisoblanadi. Narxi 215 ming dollarni tashkil qiladigan No.1 for Women atiri Viktoriya uchun eng sevimli ifor hisoblanadi.
Izoh (0)