Yengil vazn toifasida harakat qiluvchi UFC jangchilari Dastin Porye va Toni Fergyuson ishtirokidagi jang 24-oktabr kungi Abu-Dabi mezbonlik qiladigan UFC 254 musobaqasida o‘tkazilishi mumkin.
UFC prezidenti Deyna Uaytdan mazkur xabar haqiqatga qay darajada yaqinligi so‘raldi. Funksioner bunga “bo‘lishi mumkin”, deya javob qaytargan.
Eslatib o‘tamiz, UFC 254 musobaqasining asosiy jangi yengil divizion chempioni Habib Nurmagomedov va vaqtinchalik chempion Jastin Getji o‘rtasida kechadi.
Jastin avvalroq Fergyusonni mag‘lub etgan holda yengil vazn toifasi chempioniga qarshi jang qilish uchun asosiy da’vogarga aylangandi.
Avvalroq Tonining keyingi raqibi Dastin Porye bo‘lishi xabar qilingandi.
Izoh (0)