AQShning Men shtatida yashovchi dengiz qisqichbaqasini ovlovchi kema egasi Jon Makovski 2005-yildan buyon unga hamrohlik qilib kelayotgan Qizilko‘z laqabli chaykaning hayotini saqlab qoldi. Qush doimo uchib kelib kemaga qo‘nadi va baliqchini kuzatadi, deya xabar beradi “Korrespondent.net”.
Bir kuni Makovski dengizdagi do‘stining panjasi lat yeganini payqab qoladi. U qushni tutib, yovvoyi tabiat markaziga olib boradi. Qizilko‘z u yerda bir necha haftani o‘tkazadi.
Makovski uni ko‘rgani kelar va baliq bilan siylar edi.
Chayka tez orada sog‘aydi. Do‘sti uni ozodlikka qo‘yib yubordi. Jarohatning tuzalishi Qizilko‘zning odatiga ta’sir qilmadi, u hamon dengizga chiqqan do‘stini ko‘rishga kelyapti.
Mavzuga doir:
- Britaniya qirg‘oqlarida ko‘kragiga o‘q teggan chayka ikki oydan beri yashayotgani ma’lum bo‘ldi
- Avstraliyada tuyaqushlar yomon xulqi uchun mehmonxona “qora ro‘yxatiga” kiritildi
- Isroilda tabiat muhofazachilari onasiz qolgan qumoy polaponini maxfiy harbiy dron yordamida oziqlantirdi (video)
- Tonga orollarida 60 ming yil avval yashagan yarim metrlik kabutar qoldiqlari topildi
Izoh (0)