Toshkent shahar Yunusobod tumanida 24-avgust, dushanba kuni sobiq IIBB xodimi mast holatda mashina boshqarib, onasi bilan yo‘lni kesib o‘tayotgan ikki yoshli bolani urib ketdi. Bu haqda Toshkent shahar IIBB xabar berdi.
Ma’lum qilinishicha, 24-avgust kuni, taxminan, soat 01:10 da Yunusobod tumani Yunusota ko‘chasida Cobalt avtomobili haydovchisi 31 yoshli T.A. piyodalarning tartibga solinmagan o‘tish joyidan onasi bilan o‘tayotgan yosh bolani urib yuborgan. YTH oqibatida ikki yoshli T.Ch. tan jarohatlari bilan shifoxonaga yetkazilgan.
Xabarga ko‘ra, YTH sodir etgan haydovchi Toshkent shahar IIBB sobiq xodimi bo‘lib, shahodatlash komissiyasidan o‘tmagach, rahbariyatning buyrug‘i asosida 2020-yilning 20-avgust kuni ichki ishlar organlaridan bo‘shatilgan.
Tibbiy ekspertiza xulosasiga ko‘ra, haydovchi spirtli ichimlik ta’siri ostida bo‘lgan va piyodalarni ko‘rmay qolgan.
Mazkur holat bo‘yicha Yunusobod tumani IIO FMB Tergov bo‘limi tomonidan Jinoyat kodeksining 266-moddasi 1-qismi (transport vositalari harakati yoki ulardan foydalanish xavfsizligi qoidalarini buzish) bilan jinoiy ish qo‘zg‘atildi. Hozirda tergov harakatlari olib borilmoqda.
Mavzuga doir:
- Toshkentda mast holatda mashina boshqargan 18 yoshli yigit do‘stining o‘limiga sababchi bo‘ldi
- Navoiyda Nexia haydovchisi uxlab qolishi oqibatida dahshatli YTH sodir bo‘ldi. Haydovchilardan biri voqea joyida vafot etgan
- Sharof Rashidov tumanida 2 ta Damas to‘qnashdi. Mashinalardan biridagi yo‘lovchi bola og‘ir ahvolda shifoxonaga yotqizilgan
- Jizzaxda Cobalt piyodani urib yubordi. Jabrlanuvchi shifoxonaga yotqizilgan
Izoh (0)