Samarqand viloyatining Nurobod tumanida temir sandiqdan 8 ming 200 dollar va 20 million so‘mni o‘g‘irlaganlar qo‘lga olindi. Bu haqda “Daryo”ga xabar bergan viloyat IIB axborot xizmatining yozishicha, o‘g‘rilik 2020-yilning 14-avgust kuni sodir bo‘lgan.
Nurobod tumanining “Sazag‘an” mahallasida yashovchi J. ismli fuqaro 2020-yil 21-avgust kuni Nurobod tuman IIBga ariza bilan murojaat qilib, uyiga noma’lum shaxslar kirganini, temir sandiq ichidan 8 ming 200 dollari va 20 million so‘m pulini o‘g‘irlaganini ma’lum qilgan.
Tuman IIB xodimlari tomonidan olib borilgan tezkor-qidiruv harakatlari davomida mazkur o‘g‘rilikni “Sazag‘an” mahallasida yashovchi 22 yoshli L. va 24 yoshli Q. sodir etgani aniqlangan va ulardagi ashyoviy dalillar hujjatlashtirilib olingan.
Mazkur holat yuzasidan Nurobod tuman IIB huzuridagi Tergov bo‘limi tomonidan Jinoyat kodeksining 169-moddasi 3-qismi “v” (ko‘p miqdorda o‘g‘rilik) bandi bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Toshkentda ikki nafar ishchi omborxonadan 57 ming dollarlik trikotaj mahsulotlarini o‘g‘irlab ketgani aniqlandi
- Yakkasaroyda o‘zi ishlagan joyning omboridan deyarli 154 mln so‘mlik kameralarni o‘g‘irlagan shaxs ushlandi
- Toshkent viloyatida qiymati 91,5 mln so‘mlik qo‘chqorlarni o‘g‘irlagan shaxs qo‘lga olindi
Izoh (0)